ԵՐԵՎԱՆ, 13 մարտի./Նովոստի–Արմենիա/. ԵԱՀԿ-ն պատրաստ է օժանդակել ղարաբաղյան հակամարտության խաղաղ լուծման ուղիների որոնման գործում և կոչ է անում նախապատրաստել ժողովուրդներին խաղաղության, չորեքշաբթի ասաց ԵԱՀԿ գործող նախագահ, Սլովակիայի ԱԳՆ ղեկավար Միրոսլավ Լայչակը Հայաստանի արտաքին գործերի նախարար Զոհրաբ Մնացականյանի հետ համատեղ ճեպազրույցում:
Նա վերահաստատեց ԵԱՀԿ հետևողական օժանդակությունը ղարաբաղյան հակամարտության խաղաղ կարգավորման և ԵԱՀԿ Մինսկի խմբի համանախագահների կողմից տարվող աշխատանքների լիարժեք օժանդակության գործում:
Загружается новость ...
"Право"
Նրա խոսքով, Սկովակիան որես ԵԱՀԿ նախագահ որպես անկյունաքար է դնում մարդու իրավունքները, երկխոսությունը և կայունությունը, հակամարտությունների կանխման ձգտումը և համակողմանի հարաբերությունների խթանման միջոցով խաղաղ շփումների կառուցումը:
Նա նշեց, որ այցելել է տարածաշրջան` տեղում լսելու և հասկանալու իրավիճակը և առկա մարտահրավերները:
«Ողջունում եմ, որ սահմանում բռնությունը կրճատվել է, և վստահ եմ, որ դա կնպաստի հակամարտության խաղաղ կարգավորման գործընթացին: Մարտահրավերները շատ են, բայց կան բոլոր հիմքերը գործընթացին դրական ազդակներ հաղորդելու համար, հատկաես` հաշվի առնելով վերջին զարգացումները: Ուզում եմ նաև ընդգծել, որ անհրաժեշտ է նախապատրաստել ժողովուրդներին խաղաղության»,- ասաց Լայչակը:
Նա միաժամանակ նշեց, որ թեև սահմանում փոխհրաձգությունները կրճատվել են, հակամարտությունը դեռևս չի լուծվել, բայց վստահ եմ, որ փուլային մոտեցումը և երկխոսությունը թույլ կտան հանգեցնել մարդկանց առօրյա կյանքում որոշակի չնչին փոփոխությունների:
«Դա կարելի է ապահովել, և մենք կփորձենք օժանդակել խաղաղ և երկարաժամկետ լուծման որոնման գործում, ինչպես նաև ցանկացած դրական երևույթներ: Վստահ եմ, որ գործընթացն առաջընթաց կունենա»,- ասաց Լայչակը:
Նա միաժամանակ նշեց, որ կարգավորման երեք հիմնական սկզբունքները` տարածքային ամբողջականությունը, ինքնորոշման իրավունքը և ուժի չկիրառումը, ընդգծելով, որ հակամարտությունը պետք է լուծվի` հարգելով այդ բոլոր երեք սկզբունքները, և ոչ թե դրանք հակադրելով:
«Կարծում եմ, որ հենց այդ համատեքստում պետք է կատարվի ղարաբաղյան հակամարտության կարգավորումը»,- ասաց Լայչակը: -0-