Ադրբեջանի քաղաքացիների դժգոհությունը երկար սպասել չի տա. Հովհաննիսյանը՝ սոցցանցային հասանելիության սահմանափակման մասին

ԵՐԵՎԱՆ, 7 նոյեմբերի./Նովոստի-Արմենիա/. Ադրբեջանում ապրող քաղաքացիների դժգոհությունը և դրանից բխող այլ գործողությունները երկար սպասել չեն տա, հայտնել է ՀՀ ՊՆ ներկայացուցիչ Արծրուն Հովհաննիսյանը Հայկական միասնական տեղեկատվական կենտրոնում ճեպազրույցի ժամանակ:

Այս մասին Հովհաննիսյանը հայտնել է՝ պատասխանելով հարցին, թե ինչ կլինի Ադրբեջանում, եթե անսպասելիորեն «բացվի տեղեկատվական զսպանակը», չէ որ պատերազմի սկզբից Ադրբեջանը սահմանափակեց երկրի ներսում սոցցանցային հասանելիությունն իր ժողովրդի համար՝ մատուցելով կեղծ լրատվություն, իսկ այսօր սոցցանցերում արդեն նկատելի է աճող պանիկան և տեղական իշխանություններին ուղղված քննադատությունը:

«Ադրբեջանի զսպանակը բացվի, թե` չբացվի ադրբեջանական հասարակության և Ադրբեջանում ապրող քաղաքացիների դժգոհությունը և դրանից բխող այլ գործողությունները դեռ առջևում են, դրանք երկար սպասել չեն տա՝ վստահեցնում եմ»,- նշել է Հովհաննիսյանը:-0-