Արծրուն Հովհաննիսյանը ներկայացրել է իրավիճակը հայ–ադրբեջանական սահմանին (ՎԻԴԵՈ)
21:52
03 Հոկտեմբերի 2020
ԵՐԵՎԱՆ, 3 հոկտեմբերի./Նովոստի–Արմենիա/. ՀՀ ՊՆ ներկայացուցիչ Արծրուն Հովհաննիսյանը ներկայացրել է առաջնագծում տիրող իրավիճակը։
«Միայն այսօր հնարավոր է եղել խոցել 10 ԱԹՍ, ընդհանուր առմամբ մենք խոցել ենք հակառակորդի 113 միավոր ԱԹՍ։ Հակառակորդի ընդհանուր զրահատեխնիկայի կորուստը արդեն իսկ կազմում է 250 միավոր։ Մեր զորքերը ցուցաբերում են աննախադեպ քաջություն, հմտություն, գրագիտություն, չեն նահանջոււմ, կասեցնում են հակառակորդի` մեծ թափ ու խտություն ունեցող հարձակումները», – նշել է նա Հայկական միասնական տեղեկատվական համակարգում կայացած ճեպազրույցի ժամանակ։
Նա անդրադարձել է նաև հայ–ադրբեջանական սահմանին տիրող իրավիճակին։
«Ընդհանուր առմամբ, պետք է ասեմ, որ հայ–ադրբեջանական սահմանին մարտական գործողություններ չեն մղվում, բայց բնականաբար հետևում ենք, տեսնում ենք որոշակի շարժեր, հակառակորդը որոշակի գործողություններ է կատարում, հատկապես հետախուզական, սադրիչ գործողություններ։ Այդ ամենը հստակ վերահսկվում է, կանխվում է։ Մեր Զինված ուժերն այստեղ էլ իրենց խնդիրը կատարում են շատ բարձր մակարդակով», – ասել է նա։
Հովհաննիսյանի խոսքով, ընթանում են ծանր, համառ մարտեր, դիրքային փոփոխություններ շատ հաճախ են լինում` թե առաջ, թե հետ, թե աջ, թե ձախ։–0–
Սամվել Շահրամանյանը հայտարարել է, որ Արցախի Հանրապետության իրավական դաշտում գոյություն չունի փաստաթուղթ, որով նախատեսվում է լուծարել պետական ինստիտուտները
Արցախի պետական ինստիտուտները Հայաստանում գործում են՝ ի՞նչ անեն, ի՞նչ ֆունկցիա պետք է իրականացնեն, Հայաստանի Հանրապետություն կա, որի ինստիտուտները գործում են, հայտարարել է ՀՀ նախագահը․ ՎԻԴԵՈ