ԵՐԵՎԱՆ, 3 դեկտեմբերի./Նովոստի–Արմենիա/. Լեռնային Ղարաբաղում Ռուսաստանի ռազմակայանի ստեղծումը կծառայեր հանրապետության տարածքի անվտանգության և կայունության ամրապնդմանը երկարաժամկետ հեռանկարում, հայտարարել է Արցախի նախագահի արտաքին քաղաքականության հարցերով խորհրդական Դավիթ Բաբայանը
ՌԻԱ Նովոստիին տված հարցազրույցում։
Загружается новость ... "Лево"
«Ինչպես այս երկրի փորձագետ, քաղաքացի և քաղաքական գործիչ կարծում եմ, որ շատ լավ կլիներ այստեղ ունենալ ՌԴ ռազմակայան։ Դատեք ինքներդ. Ռուսաստանն ունի շատ հզոր աշխարհաքաղաքական ներուժ։ Բայց ի՞նչ կլինի, եթե Թուրքիան Ադրբեջանին դրդի ագրեսիայի։ Իսկ եթե գրոհայինները դուրս գան Թուրքիայի ենթակայության տակից և որոշեն այստեղ ինչ–որ բան անե՞լ։ Այդ դեպքում նրանք կարող են հատուկ փորձել հարվածել Ռուսաստանի հեղինակությանը, էլ չենք խոսում այն մասին, որ նրանք կարող են մեզ դնել շատ բարդ իրավիճակի մեջ անվտանգության տեսանկյունից», – ասել է Բաբայանը։
Նրա խոսքով, այս կապակցությամբ Արցախում ռուսական ռազմակայանի տեղակայումը տեղին կլիներ։
«Համենայն դեպս դա շատ կուժեղացներ անվտանգությունն ու կայունությունը, ընդ որում երկարաժամկետ հեռանկարում», – ընդգծել է Բաբայանը։–0–
