Հրապարակվել են կադրեր Երևանում գրանցված խոշոր ավտովթարից. բախվել են Mersedes-ն ու Skoda-ն. կա 4 տուժած (ՎԻԴԵՈ)

ԵՐԵՎԱՆ, 22 հուլիսի./նովոստի-Արմենիա/. Հուլիսի 21-ին, խոշոր ավտովթար է տեղի ունեցել Երևանում։

Ժամը 19։40-ի սահմաններում Պարույր Սևակ - Ուլնեցի փողոցների խաչմերուկում բախվել էին Mercedes և Škoda մանկնիշի ավտոմեքենաները։

Կայքի տեղեկություններով, վթարի հետևանքով 4 հոգի մարմնական վնասվածքներով տեղափոխվել էին թիվ 1 համալսարանական հիվանդանոց։ Վիրավորներին առաջինը օգնության էին հասել քաղաքացիները, իսկ 2-ին Mercedes-ից դուրս էին բերել ժամանած փրկարարները։

Ճանապարհային ոստիկանության ճանապարհատրանսպորտային պատահարների հետաքննության և վարչական վարույթի իրականացման բաժանմունքի նյութերի նախապատրաստման ընթացքում պարզվել է խոշոր ավտովթարի հետևանքով հիվանդանոց տեղափոխված վիրավորների և վարորդների ինքնությունը։

Կայքի հաղորդմամբ, տուժել են Mercedes-ի ուղևորներ՝ 66-ամյա Գ. Մակվեցյանը, Հ. Սահակյանը և Ժ. Գալստյանը, ինչպես նաև Skoda-ի վարորդ Ա. Շահբազյանը:

Կայքի տեղեկություններով, Ա. Շահբազյանն աշխատում է Երևանի պետական մանկավարժական համալսարանի ռեկտորի օգնական։

SHAMSHYAN.com-ը ներկայացնում է տեսախցիկի կողմից արձանագրած վթարի պահը։-0-