Ինքնասպանության երեք փորձ՝ մեկ օրում. քաղաքացիները փորձել են նետվել Հաղթանակ կամրջից

ԵՐԵՎԱՆ, 19 օգոստոսի./Նովոստի-Արմենիա/. Նախօրեին Երևանում ինքնասպանության երեք փորձ է տեղի ունեցել: Դեպքերի մասին տեղեկություն է հայտնում ՀՀ ԱԻՆ Փրկարար ծառայությունը:

ԱԻՆ Փրկարար ծառայության հաղորդմամբ, օգոստոսի 18-ին, ժամը 19։45-ին Ճգնաժամային կառավարման ազգային կենտրոն տեղեկատվություն է ստացվել, որ երկու քաղաքացի անցել են Հաղթանակ կամրջի ճաղավանդակը և ցանկանում են ինքնասպանություն գործել՝ նետվելով կամրջից։

Դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը և Հոգեբանական աջակցության բաժնի հերթապահ հոգեբանը։

«Փրկարարները կանխել են քաղաքացիների (ինքնությունները չի հաջողվել պարզել) ինքնասպանության փորձը»,- նշվում է հաղորդագրության մեջ։

ԱԻՆ Փրկարար ծառայության մեկ այլ հաղորդագրության համաձայն, օգոստոսի 18-ին, ժամը 23:33-ին Ճգնաժամային կառավարման ազգային կենտրոն տեղեկատվություն է ստացվել, որ քաղաքացին ցանկանում է ինքնասպանություն գործել՝ նետվելով Հաղթանակ կամրջից։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Հոգեբանական աջակցության բաժնի հերթապահ հոգեբանը։

«Փրկարարների և տեղի ուժերի համատեղ ջանքերով կանխվել է քաղաքացու (արական սեռ, ծնված 1991 թ.) ինքնասպանության փորձը»,- նշվում է հաղորդագրության մեջ: -0-