ՀՀ Ազգային անվտանգության մարմինների ձեռնարկած օպերատիվ-հետախուզական միջոցառումների արդյունքում կեղծ բանկային քարտերի ապօրինի շրջանառության դեպք է կասեցվել, հաղորդում է ԱԱԾ մամուլի կենտրոնը:
««Զվարթնոց» օդանավակայանում Երևան-Մոսկվա չվերթի ուղևոր ՀՀ քաղաքացի Արմեն Թումանյանի ուղեբեռի կրկնակի զննման արդյունքում հայտնաբերվել է ամերիկյան բանկերի կողմից թողարկված 21 կեղծ պլաստիկ քարտեր»,- ասվում է հաղորդագրության մեջ:
Ըստ ԱԱԾ տեղեկատվության, դրանցով նախատեսվում էր բանկերում և առևտրային կետերում զեղծարար գործարքների միջոցով հափշտակել գումարներ և գույք:
Փաստի առիթով հարուցված քրեական գործի նախաքննությունը կատարում է ՀՀ ԱԱԾ քննչական վարչությունը:-0-
