ԵՐԵՎԱՆ, 19 մայիսի./Նովոստի–Արմենիա/. Երևանում այսօր առավոտյան կրակոցներ են հնչել։
Shamshyan.com–ի հաղորդմամբ, ժամը 9։20-ի սահմաններում ՀՀ Ներքին գործերի նախարարության Ոստիկանության Մաշտոցի բաժին ահազանգ է ստացվել, որ Բաշինջաղյան 166 տան դիմաց կրակոցներ են հնչել։
Ոստիկանները դեպքի վայրում հայտաբերել են ինքնաձիգից արձակված 2 պարկուճ։
Կայքի տեղեկություններով, դեպքի վայրից 1 անձ հրազենային վնասվածքներով տեղափոխվել է «Արմենիա» բժշկական կենտրոն։
Վիրավորը Դավիթաշեն վարչական շրջանի ղեկավարի տեղակալ Կորյուն Առաքելյանն է։
Դեպքի փաստով է քննչական խումբ, և նախաձեռնվել է քրեական վարույթ։
Ոստիկաններն ու քննիչները մոտ 500 մետր հեռավորության վրա՝ Պարսեղովի փողոցում, հայտնաբերել են Volkswagen Tuareg մակնիշի ավտոմեքենա, որի դիմապակու վրա առկա է կրակոցի 3 հետք, վարորդի և նրա հետևի, ինչպես նաև բեռնախցիկի ապակիները կոտրված են։
Կայքի տեղեկություններով, ավտոմեքենան պատկանում է Դավիթաշենի թաղապետի տեղակալին, ով եղել է ղեկին։ Ավտոմեքենայում հայտնաբերվել են նաև արյան հետքեր։
Ինչպես «Նովոստի–Արմենիա»–ին հայտնեցին ոստիկանությունից, դեպքի առթիվ ՀՀ քննչական կոմիտեի ԵՔՔՎ Աջափնյակ և Դավթաշեն վարչական շրջանների քննչական բաժնում նախաձեռնվել է քրեական վարույթ՝ ՀՀ քներական օրենսգրքի 44-155-րդ հոդվածի 1-ին մասի հատկանիշներով (սպանության փորձ)։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում