Երևանի կենտրոնում մեքենան երթևեկել է մայթով. վարորդին արդեն հայտնաբերել են (ՎԻԴԵՈ)
19:34
24 Հունվարի 2020
ԵՐԵՎԱՆ, 24 հունվարի./Նովոստի–Արմենիա/. Հունվարի 23-ին մայրաքաղաքի Վազգեն Սարգսյան փողոցում մի մեքենա երթևեկել էր մայթով, հաղորդում է ՀՀ ոստիկանության մամուլի ծառայությունը։
Նույն օրը ճանապարհային ոստիկանության առաջին սպայական գումարտակի ծառայողները հայտնաբերել են մեքենան և վարորդին։ Տրանսպորտային միջոցը տեղափոխվել է Ճանապարհային ոստիկանության պահպանվող հատուկ տարածք և վարորդի նկատմամբ կազմվել վարչական իրավախախտման վերաբերյալ արձանագրություն։
«Եվս մեկ անգամ հորդորում ենք՝ պահպանել ճանապարհային երթևեկության կանոնները։ Ճանապարհային ոստիկանությունը հետևողական է», – նշվում է գերատեսչության հաղորդագրության մեջ։–0–
