ԵՐԵՎԱՆ, 16 նոյեմբերի./Նովոստի–Արմենիա/. Նոյեմբերի 15-ին, ժամը 15։16-ին Ճգնաժամային կառավարման ազգային կենտրոն ահազանգ է ստացվել, որ Երևանի Կենտրոնական ավտոկայանի մոտակայքում նռնակ է հայտնաբերվել, հաղորդում է ՀՀ ԱԻՆ Փրկարար ծառայությունը։
Загружается новость ... "Лево"
«Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի հրշեջ-փրկարարական և ինժեներական ջոկատի հերթապահ խումբը», – նշվում է գերատեսչության հաղորդագրության մեջ։
Պարզվել է, որ հայտնաբերվածը «Ֆ-1» տեսակի մարտական նռնակ է՝ առանց պայթուցիչի։
Սակրավորները նռնակը հանձնել են ոստիկանության աշխատակիցներին։–0–
