Երևան-Գյումրի ավտոճանապարհին տեղի է ունեցել ՃՏՊ․ 4 մարդ, այդ թվում՝ 1 տարեկան երեխա, հոսպիտալացվել են
14.07.2020,
12:45
Երևան-Գյումրի ավտոճանապարհին տեղի է ունեցել ՃՏՊ․ 4 մարդ, այդ թվում՝ մեկամյա երեխա, հոսպիտալացվել են
ԵՐԵՎԱՆ, 14 հուլիսի․ /Նովոստ-Արմենիա/․ Հուլիսի 13-ին, ժամը 16։44-ին Ճգնաժամային կառավարման ազգային կենտրոն ահազանգ է ստացվել, որ Երևան-Գյումրի ավտոճանապարհի 58-րդ կմ-ին տեղի է ունեցել ՃՏՊ․ կա տուժած։ Այս մասին հայտնում է ՀՀ ԱԻՆ մամուլի ծառայությունը։
Դեպքի վայր է մեկնել ԱԻՆ ՓԾ Շիրակի մարզային փրկարարական վարչության օպերատիվ խումբը։
Պարզվել է, որ բախվել են «Mercedes» (վարորդ՝ Արթուր Ն․, ծնված 1979 թ․) և «Kia» (վարորդ՝ Արթուր Հ․, ծնված 1994 թ․) մակնիշների ավտոմեքենաները, ինչի հետևանքով «Kia» մակնիշի ավտոմեքենան շրջվել է:
Загружается новость ... "Лево"
«Մինչ փրկարարների՝ կանչի վայր հասնելը վարորդները և «Mercedes» մակնիշի ավտոմեքենայի ուղևորներ Անահիտ Գ․-ն (ծնված 1990 թ․), Սուսաննա Հ․-ն (ծնված 2011 թ․), Լիլիթ Հ․-ն (ծնված 2014 թ․) և Հակոբ Հ․-ն (ծնված 2019 թ․) տարբեր աստիճանի մարմնական վնասվածքներով հոսպիտալացվել են Թալինի ԲԿ, որտեղ բժիշկները նրանց առողջական վիճակը գնահատել են բավարար»,- ասվում է հաղորդագրության մեջ։
Փրկարարները հոսանքազրկել են ավտոմեքենաները և փակել գազի բալոնների փականները:
Պատճենել հղումը
