Պարեկները կանգնեցրել են գողոնով բեռնված ավտոմեքենա (ՎԻԴԵՈ)

ԵՐԵՎԱՆ, 2 նոյեմբերի․/Նովոստի–Արմենիա/․ Հոկտեմբերի 30-ին Արագածոտնի պարեկները Արուճ գյուղի դաշտամիջյան հատվածում ստուգման նպատակով կանգնեցրել են Շամիրամ գյուղի 33-ամյա բնակչի վարած «Մերսեդեսը», որի սրահում երկաթե խողովակներ կային, հաղորդում է ՀՀ ոստիկանությունը:

Վարորդը և համագյուղացի 24-ամյա ուղևորը պարեկներին հայտնել են, որ խողովակները գողացել են Արուճ գյուղի ամառանոցներից: Նրանք ձերբակալվել ու տեղափոխվել են ոստիկանության Աշտարակի բաժին։

Տղամարդիկ և դեպքի առթիվ կազմված փաստաթղթերը ներկայացվել են Արագածոտնի մարզային քննչական վարչություն:

Նախաքննությամբ հանգամանքները պարզվում են:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:–0–