ԵՐԵՎԱՆ, 3 ապրիլի./Նովոստի–Արմենիա/. Մարտի 31-ին ՆԳՆ ոստիկանության Արագածոտնի մարզի օպերատիվ կառավարման կենտրոն զանգած քաղաքացին հայտնել էր, Ուջան գյուղի 5-րդ փողոցի 1-ին նրբանցքի տներից մեկի բակում կայանված «Միցուբիշիի» դուռը բաց լինելու հանգամանքից օգտվելով՝ սրահից գողացել են 740 000 դրամ, հաղորդում է ՀՀ ոստիկանությունը:
«Միցուբիշի» պատկանում էր ՍՊ ընկերություններից մեկին:
Загружается новость ... "Лево"
«Ոստիկանության Աշտարակի բաժնի քրեական հետախույզները ձեռնարկած օպերատիվ-հետախուզական միջոցառումների արդյունքում Ուջան գյուղում հայտնաբերել, նշված գողությունը կատարելու կասկածանքով ձերբակալել և բաժին են տարել Երևանի 31-ամյա մի բնակչի, ով նույն ՍՊԸ-ի աշխատակից է: Անձնական խուզարկությամբ նրա բաճկոնի աստառի միջից հայտնաբերվել է 740 000 դրամը», – նշվում է ընկերության հաղորդագրության մեջ:
Դեպքի առթիվ Արագածոտնի մարզային քննչական վարչությունում նախաձեռնվել է քրեական վարույթ: 31-ամյա երիտասարդը ձերբակալվել է:–0–