ԵՐԵՎԱՆ, 26 նոյեմբերի./Նովոստի–Արմենիա/. Սոցցանցերում հայտնվել են տեսանյութեր, որոնցում ադրբեջանցի զինվորականները կոտրում են հայկական գերեզմանների շիրմաքարերը։ Տեսանյութերից մեկն իր Telegram ալիքում է հրապարակել ռուս լրագրող Ալեքսանդր Կոցը, տեսանյութը կարող եք դիտել հետևյալ հղմամբ։
Загружается новость ... "Лево"
Տեսանյութում երևում է, թե ինչպես երկու զինվորականներ կանգնած են գերեզմանի վրա, այնուհետև ոտքերով կոտրում են շիրմաքարը։
«Ադրբեջանցի զինծառայողները հաղթում են հայկական գերեզմանների շիրմաքարին։ Շատ խիզախություն պետք չէ մահացածի հետ պատերազմելու համար»,– գրել է Կոցը տեսանյութին կիցը։
Ավելի վաղ սոցցանցերում հաղորդվում էր, որ Արցախի հայերը, որոնք հեռանում են Ադրբեջանի վերահսկողության տակ անցնող շրջաններից, իրենց հետ տանում են ոչ միայն ունեցվածքը, այլև փորում և հանում են հարազատների դագաղները` վախենալով, որ դրանք կպղծվեն ադրբեջանցիների կողմից։–0–