ԵՐԵՎԱՆ, 2 հուլիսի./Նովոստի–Արմենիա/. Այսօր՝ հուլիսի 2-ին, առեղծվածային դեպք է տեղի ունեցել Կոտայքի մարզում։
Shamshyan.com–ի հաղորդմամբ, ժամը 01։25-ի սահմաններում ոստիկանության Նաիրիի բաժին ահազանգ է ստացվել, որ Եղվարդ քաղաքի՝ ժողովրդին հայտնի հուշարձանի մոտ ավտոմեքենա կա, որի մեջ տղամարդու դի է հայտնաբերվել։
Ոստիկանները Opel մակնիշի ավտոմեքենայում հայտնաբերել են Եղվարդ քաղաքի բնակիչ՝ 61-ամյա Սամվել Առաքելյանի դին, իսկ նշված հանցագործությունը կատարելու կասկածանքով քննիչի որոշմամբ ձերբակալվել է Սյունիքի մարզի բնակիչ՝ 31-ամյա Աշխեն Ն-ն։
Ըստ նախնական տեղեկությունների՝ Աշխեն Ն-ն խեղդամահ է արել Ս. Առաքելյանին, որից հետո սպանվածի բջջային հեռախոսով այդ մասին հայտնել է ոստիկանության Նաիրիի բաժնի համայնքային ոստիկանության բաժանմունքի տեսուչին։
Փաստի առթիվ ՀՀ քր.օր-ի 104 հոդվածի հատկանիշներով (սպանություն) հարուցվել է քրեական գործ։
Քննիչի որոշմամբ նշանակվել է դիակի դատաբժշկական փորձաքննություն։ Որպես կասկածյալ՝ Աշխեն Ն-ն քննիչի որոշմամբ ձերբակալվել է։–0–