Դժբախտ պատահար Երևանում. ԲԿ–ներից մեկում կովիդով հիվանդ տղամարդը նետվել է պատուհանից

ԵՐԵՎԱՆ, 7 ապրիլի./Նովոստի–Արմենիա/. Երևանում` COVID-19 սպասարկող բժշկական կենտրոններից մեկում գիշերը դժբախտ պատահար է տեղի ունեցել, հաղորդում է ՀՀ առողջապահության նախարարությունը:

72-ամյա պացիենտներից մեկը հիվանդասենյակի պատուհանից նետվել է ցած:

«Տղամարդը ստացիոնարում բուժման ընթացքում հրաժարվել է բժշկական օգնությունից: Հոգեբանի հետ բազմաթիվ զրույցներից հետո վերջինս նույնպես չի փոխել իր կարծիքը և դարձյալ հրաժարվել է բուժումից: Լուսադեմին գտել են նրա դին», – նշվում է գերատեսչության հաղորդագրության մեջ:

Այժմ տեղում աշխատում է ոստիկանությունը հանգամանքները պարզելու համար:–0–