ԵՐԵՎԱՆ, 6 նոյեմբերի./Նովոստի–Արմենիա/. Մոսկվայում ազգությամբ ադրբեջանցի տղամարդիկ հարձակվել են տղամարդու վրա, ում հետ 4 տարեկան երեխա է եղել, գրում է «Մոսկովսկի կոմսոմոլեցը»։
Հրատարակության տվյալներով, միջադեպը տեղի է ունեցել Նովիյա Վատուտինկի միկրոշրջանում, հարձակվողները 18–21 տարեկան են։ Բոլոր չորս տղամարդկանց ինքնությունը պարզվել է, նրանցից երկուսը ձերբակալվել են։ Նրանք գրանցված են Օրենբուրգի մարզում։ Հատկանշական է, որ ձերբակալվածների անձնագրերը տրվել են 2020թ.–ին։ Այժմ ոստիկանությունը պարզում է անձնագրերի տրման ժամանակ խախտումների հավանականությունը։ Ինչպես հայտնել է ՌԴ ՔԿ գլխավոր քննչական վարչության ղեկավարի օգնական Յուլիա Իվանովան, քրեական գործով շարունակվում են օպերատիվ–հետախուզական միջոցառումները։ Կոնֆլիկտի մանրամասները պարզվում են։
Հարձակման տեսանյութը հրապարակվել է համացանցում։
ԶԼՄ–ների հաղորդմամբ, կոնֆլիկտի հրահրողները եկվորներ են։ ՌԻԱ Նովոստիի տվյալներով, բոլոր հարձակվողները ՌԴ քաղաքացիներ են։ Ոստիկանությունը ստուգումներ է սկսել։ Տուժած տղամարդը հայտարարել է, որ հարվածել են իր չորս տարեկան երեխայի այտին, հարձակվողներից մեկի մոտ, հնարավոր է, դանակ է եղել։
Հարուցվել է քրեական գործ ՌԴ ՔՕ 213–րդ հոդվածի 2–րդ մասի հատկանիշներով («Խուլիգանություն»)։ Սակայն ՌԴ ՔԿ նախագահ Ալեքսանդր Բաստրիկինը հանձնարարել է հարձակվողների գործողություններ վերաորակել ավելի ծանր հոդվածի` «Մահափորձ», ինչպես նաև կասկածյալներին կալանավորելու միջնորդություն ներկայացնել։
Քննությունը վերահսկվում է ՔԿ կենտրոնական ապարատում և դատախազությունում։ Վերահսկողություն իրականացնող գերատեչությունը կհետևի նաև անչափահասի իրավունքների պահպանմանը։–0–
