Բեյրութի պայթյունի հետևանքով մահացել է «Քաթայիբ» կուսակցության առաջնորդ Նիզար Նաջարյանը. ԶԼՄ
ԵՐԵՎԱՆ, 5 օգոստոսի./Նովոստի–Արմենիա/. Լիբանանյան «Քաթայիբ» կուսակցության առաջնորդ Նիզար Նաջարյանը մահացել է այսօր Բեյրութում գրանցված հզոր պայթյունի հետևանքով։
Այս մասին, ինչպես հաղորդում է ՏԱՍՍ–ը, Twitter–ի իր ալիքում հաղորդել է Al Arabiya հեռուստաալիքը։
Ավելի վաղ հայտնի էր դարձել, որ Նաջարյանը լուրջ վնասվածքներ է ստացել ու գտնվում է անգիտակից վիճակում։
Այսօր հզոր պայթյուն է որոտացել Բեյրութի նավահանգստի մոտ` Լիբանանի ռազմածովային ուժերի բազայի մոտակայքում։ Պայթյունի ալիքից ցնցվել են Բեյրութի բնակելի թաղամասերը։ Կան ավերածություններ։ Վերջին տվյալներով, պայթյունի հետևանքով զոհվել է ավելի քան 50 մարդ, հարյուրից ավելի մարդ վնասվածքներ է ստացել։
ՀՀ ԱԳՆ–ի հաղորդմամբ, պայթյունի հետևանքով, նախնական տեղեկություններով, մահացել է մեկ հայ, մի քանիսը վնասվածքներ ունեն։–0–
