Արտակարգ դեպք Երևանում. «Հաղթանակ» կամրջի տակ ծայրահեղ ծանր վիճակում տղամարդ է հայտնաբերվել

ԵՐԵՎԱՆ, 12 ապրիլի./Նովոստի–Արմենիա/. Այսօր՝ ապրիլի 12-ին, արտակարգ դեպք է տեղի ունեցել Երևանում։

Shamshyan.com–ի հաղորդմամբ, ժամը 11։20-ի սահմաններում ՀՀ Ներքին գործերի նախարարության Ոստիկանության Պարեկային Ծառայության Երևան քաղաքի գնդի 4-րդ գումարտակ 3-րդ վաշտ պարեկները ծառայություն կատարելիս նկատել են որ «Հաղթանակ» կամրջի տակ քաղաքացի կա ընկած։

Նրանք մոտեցել են ընկած քաղաքացուն և պարզել, որ նա ունի վնասվածքներ ու ահազանգել են 1-03։ Պարեկներն ու բժիշկները վիրավորին պատգարակով մոտեցրել են շտապօգնության ավտոմեքենային։

Ոստիկանությունը պարզում է տղամարդու ինքնությունը։

Կայքի տեղեկություներով, նա Երևանի բնակիչ 49-ամյա Արսեն Գ-ն է։

Դեպքի փաստով նախաձեռնվել է վարույթ։

Քննիչի որոշմամբ՝ նշանակվել է դատաբժշկական փորձաքննություն։

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով։–0–