ԵՐԵՎԱՆ, 26 մարտի. /Նովոստի Արմենիա/. Կեմերովոյի «Զիմնյայա վիշնյա» առևտրի կենտրոնի ողբերգական հրդեհը դարձավ վերջին 100 տարվա ընթացքում Ռուսաստանում գրանցված ամենախոշոր հրդեհը։ Երկուշաբթի առավոտ մահացածների թիվը գերացանցել է 50–ը, սակայն, ակնհայտ է, որ զոհերի թիվը կավելանա: Կիրակի ցերեկը բռնված հրդեհը սոցկայքերում անվանում եմ «երկրորդ Բեսլան». անհետ կորածներից շատերը երեխաներ են, ովքեր չեն կարողացել դուրս գալ խաղասենյակներից, կինոթատրոնից ու շենքի միջանցքներից: Տուժածների խոսքերով, առևտրի կենտրոնում չի գործել հրդեհային անվտանգության համակարգը:
Загружается новость ... "Лево"
Lenta.ru-ն հավաքել է այս ողբերգության ականատեսների վկայությունները:
Դմիտրի Խորոշավցև, ականատես
«Սկզբից մենք մտածեցինք, որ ուսումնական վարժանք է կամ ինչ-որ նման բան, սակայն բոլորը վազեցինք դեպի ելք: Երբ վերջապես բացվեցին սրահի դռները, միջանցքում արդեն ոչինչ չէր երևում, միայն խիտ ծխի քուլաներ: Մեկ մետր հեռավորության վրա ոչինչ չէր երևում, շնչել հնարավոր չէր, բոլորը բղավում էին: Ծնողները կորցնում էին փոքրիկ երեխաներին, դա ուղղակի հնարավոր չէ նկարագրել: Հրշեջ ու շտաբօգնության խմբերը շուտ չժամանեցին: Մարդիկ կոտրում էին պատուհաններն ու ցած նետվում: Ղեկավարության կողմից ոչ մեկ չէր զգուշացրել հրդեհի մասին, չէր գործել նաև ազդանշանը, ոչ մի նշան չկար: Անգամ առաջին հարկի էվակուացիոն դռներն էին փակ: Մինչև հիմա չեմ հասկանում, թե ոնց է մեզ հաջողվել դուրս գալ այդ հրեղեն ծուղակից»:
Ալեքսանդր Կալաչև, տուժած
«Խոսքեր չկան այդ ամենը նկարագրելու համար, ոչ մեկին չեմ ցանկանում անցնել դրա միջով: Սարսափելի է, երբ մարդիկ փնտրում են իրենց երեխաներին, ովքեր ուղղակի եկել էին ֆիլմ դիտելու: Երեխաները գոռում էին հեռախոսների մեջ. «Մամ, շնչելու օդ չկա, խեղդվում եմ»: Ուղղակի…չգիտեմ»:
Պոլինա Պրիլուցկայա, ականատես
«Հանգստյան օր էր, ու շատերը գնացել էին կինո դիտելու: Ինձ պատմել են, որ մայրը որդու հետ ֆիլմ էր դիտում մի սրահում, իսկ նրա 9 տարեկան աղջիկը մուլֆիլմ էր դիտում մյուս սրահում: Այն սրահի դռները, որտեղ մուլտֆիլմ էին դիտում, փակ են, ու մինչ այժմ հայտնի չէ` ինչպես են երեխաները: Հենց նրանք են համարվում անհետ կորած: Մայր ու որդին կարողացել են փրկվել, նրանք հիմա շտաբում են:»:
Անհետ կորածի բարեկամուհի
«Հրդեհի բռնկումից անմիջապես հետո կինոթատրոնից զանգել է իմ քրոջ աղջիկը` Վիկան: Նա նշում էր, որ ամեն ինչ վառվում է, կինոթատրոնի դռները արգելափակվել են: Ես ասեցի նրան, որպեսզի նա հանի շորերն ու փորձի շնչել հագուստի միջով: Նա ասաց. «Փոխանցիր մայրիկին, որ ես իրեն սիրում եմ: Բոլորին փոխանցիր, որ ես նրանց սիրում են»: Դրանից հետո հեռախոսն անջատվել է: Հիմա զանգում են նրան, զանգերը գնում են, սակայն ոչ մեկ չի պատասխանում»:-0-