Կեմերովոյում հրդեհի հետևանքով տուժածների թվում հայեր կան. ՀՀ ԱԳՆ

ԵՐԵՎԱՆ, 26 մարտի. /Նովոստի–Արմենիա/. ՌԴ Կեմերովո քաղաքի «Զիմնյայա վիշնյա» առևտրի կենտրոնում հրդեհի հետևանքով տուժածների թվում հայեր կան, տեղեկացրեց ՀՀ ԱԳՆ մամուլի քարտուղար Տիգրան Բալայանը Twitter–ի էջում` հղում անելով ՌԴ–ում ՀՀ դեսպանատան հաղորդագրությանը։

«Նախնական տեղեկություններով Կեմերովոյում հրդեհի հետևանքով տուժածների մեջ կան հայեր։ Հավելյալ տեղեկություններ կհայտնենք՝ դեսպանատնից դրանց ստանալուն պես», – նշվում է հաղորդագրության մեջ։ 

Մարտի 25–ին Կեմերովոյի «Զիմնյայա վիշնյա» առևտրի կենտրոնում բռնկված հրդեհի հետևանքով, վերջին տվյալներով, զոհվել է 64 մարդ։ Հրդեհը բռնկվել է շինության չորրորդ հարկում։–0–