Կոտայքի մարզում խոշոր ու շղթայական ավտովթար է տեղի ունեցել

ԵՐԵՎԱՆ, 16 սեպտեմբերի. /Նովոստի-Արմենիա/. Նախօրեինր՝ սեպտեմբերի 15-ին, արտակարգ վթար է տեղի ունեցել Կոտայքի մարզում:

Ինչպես հայտնում է shamshyan.com-ը, ժամը 17:00-ի սահմաններում, Երևան-Սևան ավտոճանապարհի 48 կմ հատվածում, Սևանի գաղութի դիմաց բախվել են 5 ավտոմեքենա և 1 տրակտոր:

Ըստ նախնական տեղեկությունների, վթարի հետևանքով բարեբախտաբար զոհեր և վիրավորներ չկան: Վթարի պատճառ է համարվում այն, որ նշված ճանապարհահատվածում չոր խոտի վառվելու հետևանքով առաջացել է թանձր ծուխ, տեսանելությունը փակվել է, ինչն էլ դարձել է պատճառ, որ վարորդները ունեցել են տեսանելիության խնդիր և բախվել են, իսկ մի քանիսն էլ հարվածել են երկաթե արգելապատնեշներին:
Փաստի առթիվ նյութեր են նախապատրաստվում:-0-