526.02
7.42
477.46
0
Եղանակը Երևանում
Հայ

Բացահայտվել է 66-ամյա կնոջ մահվան դեպքը. մեղադրանք է առաջադրվել ազգականին

19:54
15 Մայիսի 2019

ԵՐԵՎԱՆ, 15 մայիսի. /Նովոստի-Արմենիա/. ՀՀ քննչական կոմիտեի Սյունիքի մարզային քննչական վարչության վարույթում քննվող քրեական գործով պարզվել են 66-ամյա կնոջ մահվան հանգամանքները: Մեղադրանք է առաջադրվել տուժած կնոջ ազգականին:

Ինչպես հայտնում է ՀՀ քննչական կոմիտեն, 2018 թվականի սեպտեմբերի 17-ին` ժամը 11.40-ին, «Կապանի բժշկական կենտրոն» ՓԲ ընկերությունից ոստիկանության Կապանի բաժին ահազանագ է ստացվել այն մասին, որ շտապ բուժօգնության մեքենայով մահացած վիճակում հիվանդանոց է տեղափոխվել Կապան քաղաքի՝ 1953թ. ծնված բնակչուհին՝ ծանր գանգուղեղային տրավմա, արյունահոսող պատռվածք վերք, վերին վերջույթներում ճանկռվածքներ ախտորոշմամբ: Անմիջապես հիվանդանոց է մեկնել օպերատիվ-քննչական խումբը:

Դեպքի առթիվ Սյունիքի մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 109-րդ հոդվածի 1-ին մասով (Անզգուշությամբ մահ պատճառելը) և 176-րդ հոդվածի 2-րդ մասի 4-րդ կետով (Կողոպուտը, որը զուգորդվել է կյանքի կամ առողջության համար ոչ վտանգավոր բռնություն գործադրելով կամ դա գործադրելու սպառնալիքով): 66-ամյա կինը ճանաչվել է տուժող:

«Քրեական գործի նախաքննության ընթացքում ձեռնարկվել են մեծածավալ քննչական և այլ դատավարական գործողություններ, մասնավորապես` հարցաքննվել են բազմաթիվ վկաներ, հավանական ականատեսներ, կատարվել է դեպքի վայրի զննություն, վերցվել են նմուշներ, նշանակվել են դատաբժշկական, դիակի դատաբժշկական, դատամատնադրոշմային, համալիր դատահետքաբանական, դատակենսաբանական, դատանյութագիտական, ինչպես նաև՝ դատագենետիկական փորձաքննություններ, հանձնարարություններ են տրվել հետաքննական մարմնին», - նշվում է տարածած հաղորդագրությունում:

Загружается новость ... "Лево"

Քննությամբ տվյալներ են ձեռք բերվել այն մասին, որ դեպքի հետ անմիջական առնչություն ունի տուժած կնոջ ազգականը, ով հանդիսանում է Կապան քաղաքի բնակիչ՝ ծնված 1966 թվականին:

«Ձեռնարկված քննչական գործողությունների արդյունքում պարզվել է, որ 2018թ. սեպտեմբերի 17-ին` ժամը 11:00-ի սահմաններում, Կապան քաղաքի շենքերից մեկի հարևանությամբ գտնվող աստիճաններին տղամարդը հանդիպել է 66-ամյա կնոջը, նրանից գումար խնդրել և մերժում ստանալուց հետո, դրամապանակը բացահայտ հափշտակելու դիտավորությամբ, փորձել է այն վերցնել վերջինիս ձեռքից: Հանդիպելով կնոջ դիմադրությանը՝ քաշքշել է նրան, առողջության համար ոչ վտանգավոր բռնություն գործադրել` պատճառելով առողջության թեթև վնասի հատկանիշներ չպարունակող աջ նախաբազկի շրջանի ճանկռվածքներ», - հայտնում են քննչական կոմիտեից:

Քաշքշուկի հետևանքով կինը, կորցնելով հավասարակշռությունը, վայր է ընկել աստիճանահարթակին, գլխով հարվածել գետնի անհարթ մակերեսին և ստացել փակ, բութ գանգուղեղային վնասվածք, ինչն էլ վերջինիս մահվան պատճառ է դարձել:

Վայր ընկնելուց հետո տղամարդը բացահայտ հափշտակել է կնոջ դրամապանակը, դրա մեջ եղած գումարը և նրան թողնելով դեպքի վայրում՝ հեռացել:

Նախաքննության ընթացքում անձին ճանաչման ներկայացնելու քննչական գործողության, նախաքննությամբ ձեռք բերված բազմաթիվ ապացույցների արդյունքում տղամարդը խոստովանել է իր կողմից առերևույթ կատարված հանցագործության փաստը:

Ձեռք բերված ապացույցների բավարար համակցությամբ՝ տղամարդուն մեղադրանք է առաջադրվել՝ ՀՀ քրեական օրենսգրքի 109-րդ հոդվածի 1-ին մասով և 176-րդ հոդվածի 2-րդ մասի 4-րդ կետով: Նրա նկատմամբ որպես խափանման միջոց է ընտրվել ստորագրություն` չհեռանալու մասին:

Նախաքննության ընթացքում պարզվել է նաև, որ տղամարդը հաշվառված է «Սյունիքի մարզի նյարդահոգեբուժական դիսպանսեր» ՓԲ ընկերությունում` անձի օրգանական խանգարում ախտորոշմամբ: Նրա նկատմամբ նշանակվել է դատահոգեբուժական փորձաքննություն:

Հափշտակված գողոնը նախաքննության ընթացքում հայտնաբերվել և առգրավվել է:
Նախաքննությունը շարունակվում է:-0-


Թեմատիկ նյութեր
Բաժնի այլ նյութեր
21:01
13 Նոյեմբերի 2019
Երկրաշարժ Շիրակի մարզում
Այսօր երեկոյան երկրաշարժ է գրանցվել Շիրակի մարզում։
18:17
13 Նոյեմբերի 2019
Սյունիքում բեռնատարը դուրս է եկել ճանապարհի երթևեկելի հատվածից. 2 տուժածների վիճակը ծանր է
Սյունիքում բեռնատարը դուրս է եկել ճանապարհի երթևեկելի հատվածից և հայտնվել դաշտում. 2 տուժածների վիճակը ծանր է:
14:40
13 Նոյեմբերի 2019
Չարենցավանում 21–ամյա աղջիկ են առևանգել
Չարենցավանում 21–ամյա աղջիկ են առևանգել:
12:00
13 Նոյեմբերի 2019
Ինքնասպանություն Երևանում. տղամարդը նետվել է Կիևյան կամրջից
Ինքնասպանություն Երևանում. տղամարդը նետվել է Կիևյան կամրջից:
19:59
12 Նոյեմբերի 2019
Կանխվել է քաղաքացու ինքնասպանության փորձը Բաղրամյան պողոտայում
Կանխվել է 31–ամյա տղամարդու ինքնասպանության փորձը Բաղրամյան պողոտայում։
18:23
12 Նոյեմբերի 2019
Խոշոր ավտովթար Վայոց Ձորում. բեռնատարը բախվել է արգելապատնեշներին ու կողաշրջված վիճակում հայտնվել ձորում
Խոշոր ավտովթար Վայոց Ձորում. բեռնատարը բախվել է արգելապատնեշներին ու կողաշրջված վիճակում հայտնվել ձորում:
17:20
12 Նոյեմբերի 2019
Երևանում փաթեթներով մարիխուանա է հայտնաբերվել թմրամիջոց իրացնելու կասկածանքով բերման ենթարկվածի մոտ (ՎԻԴԵՈ)
Երևանում փաթեթներով մարիխուանա է հայտնաբերվել թմրամիջոց իրացնելու կասկածանքով բերման ենթարկվածի մոտ:
16:47
12 Նոյեմբերի 2019
Երևանում հրդեհ է բռնկվել 3 ավտոտնակներում. վնասվել են նաև այնտեղ գտնվող մեքենաները
Երևանում հրդեհ է բռնկվել 3 ավտոտնակներում. վնասվել են նաև այնտեղ գտնվող մեքենաները:
16:01
12 Նոյեմբերի 2019
Արցախում 49–ամյա տղամարդը ձիով պայթել է հակահետևակային ականի վրա
Արցախում 49–ամյա տղամարդը ձիով պայթել է հակահետևակային ականի վրա:
15:41
12 Նոյեմբերի 2019
37–ամյա տղամարդու տնից հայտնաբերվել է մոտ 4 կգ մարիխուանա և կանեփի 10 բույս (ՎԻԴԵՈ)
37–ամյա տղամարդու տնից հայտնաբերվել է մոտ 4 կգ մարիխուանա և կանեփի 10 բույս:
14:41
12 Նոյեմբերի 2019
Քաղաքացին սպառնում է նետվել 5–րդ հարկից Երևանի Բաղրամյան պողոտայում
Երևանի Բաղրամյան պողոտայում քաղաքացին սպառնում է նետվել 5–րդ հարկից :
11:54
12 Նոյեմբերի 2019
Մոսկվայում երեխաների հետ պատուհանից նետված կինը մահից առաջ գրություն է թողել
Մոսկվայում երեխաների հետ պատուհանից նետված կինը մահից առաջ գրություն է թողել: