ԵՐԵՎԱՆ, 21 մարտի. /Նովոստի Արմենիա/. Այսօր՝ մարտի 21-ին, արտակարգ դեպք է տեղի ունեցել Գեղարքունիքի մարզում։
Ինչպես հայտնում է shamshyan.com, ժամը 11։35-ի սահմաններում Արտակարգ իրավիճակների նախարարության Փրկարար ծառայության օպերատիվ կառավարման կենտրոն ահազանգ է ստացվել, որ Երևան-Իջևան ավտոճանապարհի Դիլիջանի թունելում ավտոմեքենա է այրվում։
Հրշեջները թունելի անվտանգության աշխատակիցների և քաղաքացիների օգնությամբ կանխել են կրակի տարածումը, սակայն չեն կարողացել մարել Տավուշի մարզի Ջուջևան գյուղի բնակիչ 53-ամյա Գառնիկ Բաբաջանյանին պատկանող Toyota Corolla մակնիշի ավտոմեքենայում առաջացած խոշոր հրդեհը։
Ավտոմեքենան ամբողջովին վերածվել է մոխրակույտի։ Բարեբախտաբար, զոհեր և վիրավորներ չկան։
Հրդեհը մարելուց հետո ավտոմեքենան դուրս է բերվել թունելից և տեղափոխվել անվտանգ վայր։ Հրդեհի պատճառները ճշտվում են։–0–