Առինջ գյուղի տներից մեկում 30–ամյա կնոջ դի է հայտնաբերվել

ԵՐԵՎԱՆ, 30 նոյեմբերի. /Նովոստի–Արմենիա/. Այսօր՝ նոյեմբերի 30-ին, ողբերգական դեպք է տեղի ունեցել Կոտայքի մարզում։

Ժամը 12։20-ի սահմաններում ոստիկանության Կոտայքի բաժին ահազանգ է ստացվել, որ Առինջ գյուղի տներից մեկում երիտասարդ կնոջ դի կա։

Shamshyan.com–ի հաղորդմամբ, ոստիկանները նշված տան լոգարանում հայտնաբերել են 30-ամյա Տ. Կ.-ի դին։

Ըստ նախնական տեղեկությունների՝ նա մահացել է շմոլ գազից։

Փաստի առթիվ ոստիկանության Աբովյանի բաժնում նյութեր են նախապատրաստվում։

Կայքի տեղեկություններով՝ չի բացառվում, որ նախապատրաստված նյութերը փոխանցվեն Հայաստանի քննչական կոմիտեի Կոտայքի մարզային քննչական վարչություն։–0–