«Էկսկալացիա», ոչ թե «վակցինացիա» կամ ինչպես սխալվեց Բայդենը Պուտինի ազգանունն ասելիս (ՎԻԴԵՈ)
11:15
16 Ապրիլի 2021
ԵՐԵՎԱՆ, 16 ապրիլի./Նովոստի–Արմենիա/. ԱՄՆ նախագահ Ջո Բայդենը Մոսկվայի նկատմամբ Վաշինգտոնի քաղաքականությանը նվիրված ելույթի ժամանակ սխալվեց` արտասանելով ՌԴ նախագահ Վլադիմիր Պուտինի ազգանունը, հաղորդում է ՏԱՍՍ–ը։
«Ես նաև պարզ հասկացնել տվեցի նախագահ Կլուտինին, որ Միացյալ...», – ասել է Բայդենը։
Ինչից հետո միանգամից ուղղել է սխալը. «Պուտինին, որ ԱՄՆ–ն անդրդվելի է Եվրոպայի իր դաշնակիցներին և գործընկերներին աջակցելու հարցում»։
Դրանից մի քանի րոպե առաջ ԱՄՆ նախագահը, ով հաճախ է սխալվում իր ելույթներում, քիչ էր մնում շփոթել «էսկալացիա» բառը «վակցինացիա» բառի հետ։
«Միացյալ Նահանգները չեն պատրաստվում սկսել վակցի...էսկալացիայի շարք (հարաբերություններ) և կոնֆլիկտ Ռուսաստանի հետ» – ասել է Բայդենը։–0–