ՀԿԵ-ն դիտարկում է կոնտեյներային փոխադրումների ավելացման հնարավորությունները

«Կարմիր Բլուր» կայարանով կոնտեյներային փոխադրումների ծավալների մեծացման հարցով խորհրդակցություն տեղի ունեցավ ուրբաթ «Հարավկովկասյան երկաթուղի» ՓԲԸ-ում, հայտնում են ընկերության մամուլի ծառայությունից:

Խորհրդակցությունն անցկացրեց գլխավոր տնօրենի առաջին տեղակալ Մարատ Խակովը: Քննարկվեցին «Կարմիր Բլուր» կայարանի տեխնոլոգիական հնարավորությունների ընդլայնման, կոնտեյներային փոխադրումների մեծացման ուղիները, կայարանում 35 և 50 ֆուտանոց ամբարձիչ կռունկների տեղադրման ընթացքը:
«Հաջորդ տարին ՀԿԵ-ում հայտարարված է կոնտեյներային փոխադրումների տարի»,- ասվում է մամուլի հաղորդագրության մեջ:

Խորհրդակցությանը ներկա էին Ընկերության Ֆիրմային ճանապարհային սպասարկման կենտրոնի պետ Ռոբերտ Եփրեմյանը, Ավտոմատացման, հեռուստամեխանիկայի և կապի ծառայության պետ Արսեն Խաչատրյանը, Ենթակառուցվածքի ծառայության պետի տեղակալ Աշոտ Ունուսյանը, «Ապավեն» ընկերության գլխավոր տնօրեն Արսեն Ղազարյանը և նույն ընկերության գործադիր տնօրեն Գագիկ Աղաջանյանը:

«Հայկական երկաթուղու» կոնցեսիոն կառավարումն իրականացնում է «ՀԿԵ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը: ՀԿԵ-ն իր բալանսում ընդունել ՀԿԵ շարժակազմը 2008թ.-ի հունիսի մեկից՝  «Հայկական երկաթուղիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով՝ 2008թ.-ի փետրվարի 13-ի կոնցեսիոն պայմանագրին համապատասխան։--0—