Սեպտեմբերին ամենից շատ թանկացած թոփ 5 մթերքը

ԵՐԵՎԱՆ, 5 սեպտեմբերի./Նովոստի–Արմենիա/. Հայաստանում պարենային ապրանքների և ոչ ալկոհոլային խմիչքների գները 2022թ.–ի սեպտեմբերին, 2021թ.–ի սեպտեմբերի համեմատ, թանկացելեն 13,7%–ով, իսկ 2022թ.–ի օգոստոսի համեմատ` 0,4%–ով։ Այս մասին վկայումե ն ՀՀ ԱՎԾ հաշվետվության տվյալները։

«Նովոստի–Արմենիա» գործակալությունը ներկայացնում է այն սննդամթերքը, որոնց գներն ամենից շատն են բարձրացել 2022թ.–ի սեպտեմբերին` 2021թ.–ի սեպտեմբերի համեմատ։

Մակարոնեղեն



Մակարոնեղենը հաշվետու ամսում տարեկան կտրվածքով թանկացել է 31,5%–ով, իսկ այս տարվա օգոստոսի համեմատ էժանացել է 0,8%–ով։

Հացաբուլկեղենը և ձավարեղենը սեպտեմբերին տարվա կտրվածքով թանկացել են 19,4%–ով, ամսվա կտրվածքով` 0,2%–ով։

Սառեցված ձուկ



Սառեցված ձկան գինը սեպտեմբերին, նախորդ տարվա սեպտեմբերի համեմատ, ավելացել է на 23,9%–ով, օգոստոսի համեմատ` 0,5%–ով։

Միաժամանակ ձկան և ծովամթերքի գինը 2022թ.–ի սեպտեմբերին, 2021թ.–ի սեպտեմբերի համեմատ, ավելացել է 5,4%–ով, իսկ այս տարվա օգոստոսի համեմատ չի փոխվել։

Պանիր



Պանիրը սեպտեմբերին տարվա կտրվածքով թանկացել է 23,9%–ով, իսկ օգոստոսի համեմատ` 1,6%–ով։

Նշենք, որ «Կանթամթերք, պանիր և ձու» խմբում գները սեպտեմբերին տարվա կտրվածքով ավելացել են 12%–ով, իսկ ամսվա կտրվածքով` 0,6%–ով։

Տավար



Տավարի միսը սեպտեմբերին տարեկան կտրվածքով թանկացել է 22,1%–ով, իսկ ամսվա կտրվածքով` 0,4%–ով։

Միաժամանակ միսը սեպտեմբերին տարեկան կտրվածքով թանկացել է 11,9%–ով, իսկ ամսվա ընթացքում փոփոխություններ չեն գրանցվել։

Միրգ




Միրգը սեպտեմբերին, նախորդ տարվա սեպտեմբերի համեմատ, թանկացել է 21%–ով, իսկ օգոստոսի համեմատ` էժանացել է 0,6%–ով։

Միաժամանակ ցիտրուսային մրգերի գինը սեպտեմբերին, նախորդ տարվա սեպտեմբերի համեմատ, ավելացել է 1,6%–ով, իսկ օգոստոսի համեմատ` 7,6%–ով։

Իսկ ո՞ ր սննդամթերքն է էժանացել

Ձու



Ձուն սեպտեմբերին, նախորդ տարվա սեպտեմբերի համեմատ, էժանացել է 19,1%–ով, իսկ հունիսի համեմատ` թանկացել է 0,9%–ով։–0–