524.89
7.4
476.57
+9
Եղանակը Երևանում
Հայ

Ամերիաբանկը գործարկել է ծառայությունների թվայնացման մեգա նախագիծ և պատրաստում է digital բանկինգի նոր պրոդուկտներ

18:35
04 Հոկտեմբերի 2018

ԵՐԵՎԱՆ, 4 հոկտեմբերի. /Նովոստի–Արմենիա/. Ամերիաբանկն իրականացնում է ծառայությունների թվայնացման լայնածավալ ծրագիր և մինչև տարեվերջ կառաջարկի նոր պրոդուկտներ digital բանկինգի ոլորտում, լրագրողներին ասաց Ամերիաբանկի տնօրինության նախագահ–գլխավոր տնօրեն Արտակ Հանեսյանը։

«Մենք իրականացնում ենք ծառայությունների թվայնացման մեծ ծրագիր. սկորինգի հիման վրա առցանց վարկավորման առաջին պրոդուկտը տարեսկզբին արդեն գործարկվել է, իսկ նոյեմբերին նախատեսվում է գործարկել ևս երկու նոր պրոդուկտ digital բանկինգի ոլորտում», – ասաց նա։

Америабанк

Նրա խոսքով, բոլոր նոր ծառայությունները հասանելի են բանկի բոլոր մասնաճյուղերում, այդ թվում` «Կամար» բիզնես կենտրոնի նոր գրասենյակում, ուր տեղափոխվել է բանկի գլխավոր գրասենյակը։

Հանեսյանը նշեց, որ բիզնես կենտրոնում ստեղծվել է միջավայր` նորարարական լուծումներով, իսկ գլխավոր գրասենյակում ձևավորվել է տվյալների լավագույն բազաներից մեկը` բանկի գործունեության մասին տեղեկատվության պահպանման համար։

«Բացի այդ, մենք ստեղծել ենք հատուկ միջավայր մեր աշխատակիցների համար, որպեսզի հաճելի լինի ոչ միայն աշխատել, այլև հանգստանալ։ Մասնավորապես, յուրաքանչյուր հարկ ձևավորված է իր կոնցեպտով. ճարտարապետները համատեղել են հին Երևանի ճարտարապետության, արդյունաբերական downtown–ի, էկոլոգիական քաղաքի և ժամանակակից, նորարարական տեխնոլոգիական կերպարի տարրերը», – ասաց նա։

Գլխավոր տնօրենը նաև ընդգծեց, որ յուրաքանչյուր հարկում գործում են հանգստի գոտիներ, նոր ոճով և դիզայնով սրահներ` նախատեսված գործարար հանդիպումների համար։ 

Артак Анесян

Նրա խոսքով, առաջին հարկում տեղակայված է «Կամար» մասնաճյուղը, որը տրամադրում է բանկային բոլոր ծառայությունները, այդ թվում` դեպոզիտային պահատուփերի հասանելիություն, ինչպես նաև նախատեսված է առանձին սրահ պրեմիում–դասի հաճախորդներին սպասարկելու համար։

«Կամար» բիզնես կենտրոնն աշխատում է այս տարվա ապրիլից, կառուցվածքում ներդրվել է մոտ 40 մլն դոլար, այս պահին այն արդեն ամբողջովին համալրված է. շենքում տեղակայվել են հայտնի ընկերությունների գրասենյակներ, դիվանագիտական ներկայացուցչություններ և Ամերիաբանկի գլխավոր գրասենյակը։

Բիզնես կենտրոնի գլխավոր առանձնահատկությունն այն է, որ կենտրոնը միավորում է երկու պատմական շինություններ, որոնք գտնվել են այդ վայրում մոտ 100 տարի առաջ` Գյուղատնտեսական բանկի շենքն ու Թիֆլիսի առևտրային բանկի հին շենքը։

Հատկանշական է, որ ճարտարապետները շենքը մշակելիս որոշել են այս երկու պատմական շինությունները կապել կամարով, որի կենտրոնում «կենաց ծառն» է։ Միաժամանակ, հին շենքերի տարրերը կարելի է տեսնել նաև շինության ինտերիերի ձևավորման մեջ, որտեղ արդեն տեղափոխվել է հին շենքի մի մասը, որն իր հերթին ներդաշնակորեն միահյուսվում է ժամանակակից դիզայնի տարրերի հետ։ Բացի այդ, Ամերիաբանկի մուտքի դռան դիզայնում անգամ պահպանված է Թիֆլիսի առևտրային բանկի հին զինանշանը։

«Ամերիաբանկ» ՓԲԸ–ն Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին. 2007թ-ից տրամադրում է նորարարական բանկային ծառայությունների լայն տեսականի: «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Բանկը բազմիցս արժանացել է Euromoney, Global Finance, The Banker միջազգային ֆինանսական մրցանակների։–0–


Թեմատիկ նյութեր
Բաժնի այլ նյութեր
11:00
13 Հոկտեմբերի 2019
60 մլն դոլարի ներդրումային ծրագիր. Փաշինյանը հանդիպել է գործարարների հետ
60 մլն դոլարի ներդրումային ծրագիր. Փաշինյանը հանդիպել է գործարարների հետ:
17:43
08 Հոկտեմբերի 2019
ՀՀ փոխվարչապետը մեկնաբանել է ձմեռային ամիսներին գազի թանկացման հավանականությունը
ՀՀ փոխվարչապետը մեկնաբանել է ձմեռային ամիսներին գազի թանկացման հավանականությունը:
17:51
07 Հոկտեմբերի 2019
Հայաստանում կբարձրանա էլեկտրական շարժիչով ավտոմեքենաների ներկրման դրույքաչափը (ՎԻԴԵՈ)
2020 թ.-ի հունվարի 1-ից փոխվելու է էլեկտրական շարժիչով ավտոմեքենաների համար սահմանված ներկրման դրույքաչափը:
19:53
04 Հոկտեմբերի 2019
ՌԴ–ն առաջարկել է Ադրբեջանին կառուցել ատոմակայան
Ռուսաստանն առաջարկել է Ադրբեջանին կառուցել ատոմակայան։
15:42
02 Հոկտեմբերի 2019
Փաշինյանն ու Պուտինը քննարկել են ռուսական գազի սակագինը. Կարապետյան
Փաշինյանն ու Պուտինը քննարկել են ռուսական գազի սակագինը:
17:51
01 Հոկտեմբերի 2019
Փաշինյան. անհրաժեշտ է ակտիվացնել համատեղ ջանքերն` ուղղված բարենպաստ պայմանների ձևավորմանը` ԵԱՏՄ երկրների միջև ազգային արժույթով հաշվարկներին անցնելու համար (ՎԻԴԵՈ)
ՀՀ վարչապետ Նիկոլ Փաշինյանն անհրաժեշտ է համարում ակտիվացնել համատեղ ջանքերը, որոնք ուղղված են բարենպաստ պայմանների ձևավորմանը` ԵԱՏՄ երկրների միջև ազգային արժույթով հաշվարկներին անցնելու համար։
22:36
27 Սեպտեմբերի 2019
Լավ լուր Փաշինյանից. իրականացվել է 500մլն դոլար պարտքի վերաֆինանսավորում, արդյունքում կխնայվի 10,2 մլն դոլար (ՎԻԴԵՈ)
Լավ լուր Փաշինյանից. իրականացվել է 500մլն դոլար պարտքի վերաֆինանսավորում, արդյունքում կխնայվի 10,2 մլն դոլար:
13:54
24 Սեպտեմբերի 2019
ՎԶԵԲ-ը 15 միլիոն դոլարի վարկ կտրամադրի ՀԷՑ-ին` բաշխիչ ցանցերի արդիականացման նպատակով
Սա 2017 թվականին ստորագրված՝ 80 միլիոն ԱՄՆ դոլար արժողությամբ սկզբնական ծրագրի երրորդ տրանշն է:
19:41
23 Սեպտեմբերի 2019
«Զանգեզուրի Պղնձամոլիբդենային Կոմբինատ» ընկերությունը «Moody's»-ի կողմից ստացել և հրապարակել է առաջին կորպորատիվ վարկանիշը Հայաստանում
«Զանգեզուրի Պղնձամոլիբդենային Կոմբինատ» ՓԲ ընկերությունը ՀՀ պատմության մեջ առաջին կորպորատիվ ընկերությունն է, որը ստացել և հրապարակում է միջազգային վարկանիշ:
11:45
20 Սեպտեմբերի 2019
Ֆինանսական խաղեր և հատուկ ակցիաներ. Հայաստանում մեկնարկել է ֆինանսական գրագիտության «թեժ աշունը»
Հայաստանի բանկերի միությունը գործարկել է «Ֆինանսական գրագիտություն և հմտություններ» միջոցառումների շարքը:
13:30
19 Սեպտեմբերի 2019
Հայկական ԱԷԿ-ը կարող է հանգիստ աշխատել մինչև 2026 թվականը. նախագծի ղեկավար
Նման եզրակացություն է ստացվել շահագործման հսկողության և անհրաժեշտ ինժեներական հաշվարկների արդյունքում։
15:27
16 Սեպտեմբերի 2019
Հայաստանում տրամադրված հիփոթեքային վարկերի թիվը գրեթե կրկնապատկվել է. Փաշինյան
Փաշինյանի խոսքով, այս տարվա 7 ամիսներին հիփոթեքային վարկերը կազմել են 84,5 մլրդ դրամ՝ գերազանցելով նախորդ նարվա ցուցանիշը 90,5 տոկոսով։