ԵՐԵՎԱՆ, 14 հուլիսի. /Նովոստի–Արմենիա/. «Ոսկե ծիրան» երևանյան միջազգային կինոփառատոնի հիմնադիր տնօրեն Հարություն Խաչատրյանը շնորհավորել է «Նովոստի–Արմենիա» գործակալությանը 10–ամյա հոբելյանի առթիվ։
«Ես դա սիրով եմ անում, որովհետև գործակալությունը լավագույններից մեկն է Հայաստանում։ Այն կինոփառատոնի գործընկերն է։ Եվ դա այն դեպքում, որ մենք շատ ուշադիր ենք մոտենում գործընկերների ընտրությանը։ Մենք ընտրում ենք միայն պրոֆեսիոնալ, օպերատիվ աշխատող լրատվամիջոցներ, հետաքրքիր, որոնք հատուկ ձեռագիր ունեն»,– ասաց Խաչատրյանը։
Նա մաղթեց, որ որքան հնարավոր է` շատ երիտասարդներ աշխատեն գործակալությունում, միշտ լրատվական բազմաթիվ, և ցանկալի է, դրական առիթներ լինեն։
«Նովոստի–Արմենիա» միջազգային լրատվության գործակալությունը հայկական լրատվական շուկայի առաջատարների թվում է։ Գործակալության հիմնական խնդիրը Հայաստանի քաղաքական, սոցիալական և մշակութային կյանքի օպերատիվ և անկողմնակալ լուսաբանումն է։
Ըստ Yandex.ru որոնողական համակարգի վարկանիշի`«Նովոստի-Արմենիա» միջազգային լրատվական գործակալությունը մշտապես գտնվում է հայկական ԶԼՄ-ների առաջատար եռյակում:
Arcaler Scorecard պորտալի` 2015 թ.–ի մայիսի 10–ի ուսումնասիրության համաձայն` «Նովոստի–Արմենիա» միջազգային լրատվական գործակալության կայքը զբաղեցրել է երրորդ տեղը հայկական ԶԼՄ–ների շրջանում QI վիրտուալ մտավոր կապիտալի ամփոփ ցուցիչով` բարձրանալով 13 հորիզոնականով։
«Նովոստի-Արմենիա» գործակալությունը 2009թ. մարտին լավագույնն է ճանաչվել «Եվրոպական թեմաների մոնիտորինգը հայկական ԶԼՄ-ներում» ծրագրի «Եվրոպական թեմաներն առավել լայնորեն լուսաբանող ԶԼՄ» անվանակարգում: Մրցույթի կազմակերպիչներն էին «Եվրոպական ինտեգրացիա» հասարակական կազմակերպությունն ու Հայաստանում Մեծ Բրիտանիայի դեսպանատունը։
2009թ.-ի հուլիսին Business Initiative Directions (BID) միջազգային կազմակերպությունը «Նովոստի-Արմենիա» գործակալությանը «Gold» կատեգորիայի Միջազգային աստղ մրցանակ է շնորհել։ --0--
