ԵՐԵՎԱՆ, 27 դեկտեմբերի. /Նովոստի–Արմենիա/. Թատրոնի և կինոյի դերասան Էմանուիլ Վիտորգանը շաբաթ օրը նշում է իր 75–ամյակը։ Ստորև ՌԻԱ Նովոստին կենսագրական տեղեկանք է ներկայացնում։
Թատրոնի և կինոյի դերասան, Ռուսաստանի ժողովրդական արտիստ Էմանուիլ Գեդեոնի Վիտորգանը ծնվել է 1939 թվականի դեկտեմբերի 27–ին Բաքվում (Ադրբեջան)։ Հայրն ու մայրը ծնունդով Օդեսայից են, Բաքվում հայրը հայտնվել է Օդեսայի ալրաղացի ինստիտուտն ավարտելուց հետո տեղաբաշխումով։ Տղային Էմանուիլ են կոչել մոր պնդմամբ` քաղաքացիական պատերազմի տարիներին զոհված եղբոր պատվին։ Վիտորգանների ընտանիքը տեղափոխվել է Ստավրոպոլ, այնուհետև` Աստրախան, որտեղ Էմանուիլն ավարտել է միջնակարգ դպրոցը։
1961 թվականին Վիտորգանն ավարտել է Լենինգրադի թատրոնի, երաժշտության և կինեմատոգրաֆի պետական ինստիտուտը (այժմ` Սանկտ Պետերբուրգի թատերարվեստի պետական ակադեմիա), Բորիս Զոնի կուրսը։
Նա խաղացել է ավելի քան 120 դեր ֆիլմերում և սերիալներում։ .
1992 թվականից գոյություն ունի «Վիտորգան ակումբը», որը ներկայում Մոսկվայի Օստեժենկայի «Էմանուիլ Վիտորգանի մշակութային կենտրոնի» շենքում անցկացնում է թատրոնի և կինոյի դերասանների ստեղծագործական դերասաններ, խաղարկային և վավերագրական կինոյի պրեմիերաների ցուցադրություններ, ներկայացումներ, երաժշտական երեկոներ, արվեստի գործիչների հոբելյանական երեկոներ։
Էմանուիլ Վիտորգանը ՌԴ ժողովրդական արտիստ է։ 2014 թվականին նա դարձել է Անդրեյ Միրոնովի անվան ռուսական «Ֆիգարո» ազգային դերասանական մրցանակի դափնեկիր է։ Դերասանը երեք անգամ ամուսնացած է եղել։ Նրա առաջին կինը դերասանուհի Տամարա Ռումյանցևան է, որի հետ միասին նրանք սովորել են, երկրորդ կինը` Ալլա Բալտերը (1939-2000)։ 2003 թվականին Էմանուիլ Վիտորգանն ամուսնացել է Իրինա Մլոդիկի հետ։ Դերասանն ունի երկու երեխա` դուստր Քսենիան առաջին ամուսնությունից և որդին` Մաքսիմը` երկրորդից։ Քսենիան ակումբ է ղեկավարում Բաղաամ կղզում և ներկայացումներ է բեմադրում։ Մաքսիմ Վիտորգանը դերասան է և բեմադրիչ ռեժիսոր։ -0-
