Յակուլովի ստեղծագորությունների համաշխարհային պրեմիերաները՝ Հայաստանի փառատոնում

Հայազգի հայտնի կոմպոզիտոր Յակով Յակուլովի մի շարք ստեղծագորությունների համաշխարհային պրեմիերաները կկայանան Հայաստանում ալտի և թավջութակի Հանրապետական երկրորդ երաժշտական փառատոնում, հաղորդեց «Արվեստների պատկերասրահ» մշակութային հիմնադրամի նախագահ Մարիամ Շահինյանը։

Ի սկզբանե հայ ականավոր երաժիշտ եղբայներ Հենրիկ և Գերոնտի Թալալյանների անվան փառատոնն անցկացվում էր միայն թավջութակի համար և ընդգրկվել է Հայաստանի մշակույթի նախարարության (2008 թվականից) ծրագրում, սակայն ավելի ուշ՝ 2010 թվականին, փառատոնի գեղարվեստական ղեկավար, թավջութակահար Արամ Թալալյանի ջանքերով փառատոնի շրջանակներն ընդլայնվել են։

«Մենք ավարտում  ենք փառատոնը շատ հետաքրքիր համերգով՝ Յակով Յակուոլովի հեղինակային երեկոյով... Շատ շնորհակալ ենք Յակուլովին, որովհետև այդ երեկոյի ընթացքում կհնչեն նրա ստեղծագործությունների համաշխարհային պրեմիերաներ։ Դրանցից մի քանիսը գրվել են նրա կողմից հատուկ փառատոնի համար»,- ուրբաթ մամուլի ասուլիսին ասաց Շահինյանը։

Նա նշեց նաև, որ այս տարի փառատոնն առաջին անգամ մեկնարկել է Գավառ քաղաքում, իսկ բացման արարողությունից հետո կայացել է փառատոնի մասնակիցների համերգի ուղիղ հեռարձակումը ողջ Գեղարքունիքի մարզով։ Շահինյանն ընգծեց Գավառի բնակիչների մեծ հետաքրքրույթունը փառատոնի նկատմամբ և շնորհակալություն հայտնեց Գեղարքունիքի մարզպետարանին կազմակերպչական աշխատանքների համար։
Փառատոնի գեղարվեստական ղեկավար Արամ Թալալյանը հայտնեց, որ Յակուլովի հեղինակային համերգը կբացվի իր հորը՝ Գերոնտի Թալալյանին նվիրված ստեղծագործությամբ։

Ըստ նրա, մոտ 30 տարի առաջ գրված այդ ստեղծագործության կատարումը մշտապես հետաձգվում էր տարբեր պատճառներով։

Այդ առթիվ կոմպոզիտոր Յակուլովը շնորհակալություն հայտնեց փառատոնի նվագախմբին, որը կկատարի իր ստեղծագործությունները, բարձր գնահատելով երաժիշտների պրոֆեսիոնալ որակները։
Փառատոնը կազմակերպվել է «Արվեստների պատկերասրահ» մշակութային հիմնադրամի կողմից և անցկացվում է Հայաստանի մշակույթի նախարարության աջակցությամբ հունիսի 7-26-ը։ -0-