Ժամանակակից հայկական արվեստը Հայ Առաքելական Եկեղեցու (ՀԱԵ) աջակցության կարիքն ունի՝ աղանդներին հակազդելու համար, կարծում է հայ երգիչ և երգահան Վահան Արծրունին։
«Այսօր այդ աջակցությունը շատ կարևոր է, քանի որ աղանդավորներն ակտիվորեն ներխուժում են արվեստ, երաժշտություն, և դա լուրջ խնդիր է դառնում»,- երեքշաբթի մամուլի ժամանակ ասաց Արծրունին։
Նա ընդգծեց, որ արտասահմանից ֆինանսավորվող տարբեր աղանդներն ակտիվորեն միջոցներ են ներդնում ջազ և փոփ երաժշտության տարրերով համերգների կազմակերպման մեջ և իրենց շարքերն են գրավում մեծ քանակությամբ մարդկանց։
Արծրունին պատմեց, որ օրինակ՝ Լեհաստանում Կաթոլիկ եկեղեցին խորհրդային տարիներին խրախուսում էր ռոք խմբերին, որոնց ստեղծագործությունն առավել բովանդակալից և պրոֆեսիոնալ էր համարում։
Ըստ նրա, նման դեպքեր եղել են նաև ՀԱԵ պատմության մեջ՝ անցած դարի 60-70-ական թվականներին «Առաքյալներ» հայկական ռոք խումբը Ամենայն Հայոց Կաթողիկոս Վազգեն Առաջինի բարձր հովանավորություններ էր վայելում։ -0-
