Միջազգային մրցանակների պատանի դափնեկիրները կժամանեն Հայաստան՝ Պատանի կատարող երաժիշտների միջազգային առաջին փառատոնին մասնակցելու համար, հայտնեց Արվեստի գործիչների ասոցիացիայի տնօրեն, «Նոր անուններ» ծրագրի ղեկավար Սիլվա Մեքինյանը։
Փառատոնը կանցկացվի «Նոր անուններ» ծրագրի նախաձեռնությամբ՝ մայիսի 31-ից մինչև հունիսի 3-ը Երևանում՝ ՀՀ առաջին տիկին Ռիտա Սարգսյանի, Մշակույթի նախարարության, Կամերային նվագախմբի և հայկական պետական ֆիլհարմոնիայի, ինչպես նաև «Հարավկովկասյան երկաթուղի» ՓԲԸ և ՎիվաՍել-ՄՏՍ բջջային օպերատորի (ռուսական «ՄՏՍ» ԲԲԸ դուստր) հովանու ներքո։
«Փառատոնին մասնակցելու հայտ են ուղարկել շուրջ 30 տաղանդավոր երաժիշտներ՝ Ռուսաստանից, Ֆինլանդիայից, Ուզբեկստանից, Վրաստանից, Իրանից և, իհարկե, մինչև 18 տարեկան տաղանդները Հայաստանից»,- երկուշաբթի լրագրողներին ասաց Մեքինյանը։ -0-
