Երևանում բացվել է Օտար լեզուների ռեսուրսների կենտրոն

Երևանում Ավետիք Իսահակյանի կենտրոնական գրադարանին կից ուրբաթ բացվել է Օտար լեզուների ռեսուրսների կենտրոն։

«Կենտրոնում ներկայացված գրականությունից կարող են բոլոր նրանք, ովքեր ցանկանում են խորացնել գիտելիքները անգլերեն լեզվի ուղղությամբ»,- բացմանը ասաց Բրիտանական խորհրդի Հայաստանի գրասենյակի տեղեկատվական ծրագրերի ղեկավար Ինեսսա Մուրադյանը։

Նրա խոսքերով, գրականության մեծ մասը տպագրված է Մեծ Բրիտանիայում։ «Բացի տպագիր նյութերից, Կենտրոն հաճախողները կարող են անգլերեն սովորել՝ օգտվելով էլեկտրոնային կրիչների ծրագրերից։ Այստեղ նաև ներկայացված են բրիտանական կինեմատոգրաֆիայի դասականները»,- ավելացրեց Մուրադյանը։

Ընդ որում, ծրագրերի ղեկավարը նշեց, որ Կենտրոնը բաց է բոլոր այցելուների համար՝ անկախ տարիքից։

Մուրադյանը նաև հայտնեց, որ Կենտրոնում հավաքված է մոտ հազար գիրք և հետագայում նրա ֆոնդերը պարբերաբար կլրացվեն։

Ընդ որում նա նշեց, որ Կենտրոնը Հայաստանի  մշակույթի նախարարության, Բրիտանական խորհրդի և Երևանի քաղաքապետարանի համատեղ նախագիծն է։

Երևանի փոխքաղաքապետ Կամո Արեյանն իր հերթին նշեց նմանատիպ կենտրոն ստեղծելու անհրաժեշտությունը։ «Սա եռակողմ համագործակցության լավ օրինակ է»,- ասաց նա։

Ընդ որում Արեյանը նաև ընդգծեց Իսահակյանի անվան գրադարանի ավանդը Հայաստանի գրադարանային գործի զարգացման ընդհանուր գործընթացում։

«Գրադարանը հանմընթաց շարժվում է ժամանակի հետ,  աշխատակիցների շնորհիվ մշակութային այս օջախում եռում է ակտիվ կյանքը»,- եզրափակեց նա։

Բրիտանական խորհուրդը (British Council) հիմնվել է 1934 թվականին աշխարհում բրիտանական մշակույթն ու արժեքները տարածելու նպատակով։ Հայաստանի մասնաճյուղը հիմնադրվել է 2002 թվականին։

Բրիտանական խորհուրդը գործում է կրթության, մշակույթի և կառավարման ոլորտում։ Ամեն տարի կազմակերպությունն ընդլայնում է  իր գործունեության շրջանակները, ներկա պահին Բրիտանական խորհուրդը ծրագրեր է մշակում և իրականացնում արևմտաեվրոպական տարածաշրջանի հետ համատեղ։-0-