Հայաստանում իր գործունեությունը կվերսկսի «Դպրոցական ֆիլհարմոնիան»

ԵՐԵՎԱՆ, 23 հոկտեմբերի./Նովոստի-Արմենիա/.Հայաստանի Արամ Խաչատրյանի անվան պետական ֆիլհարմոնիայի մեծ դահլիճում հոկտեմբերի 26-ին տեղի կունենա «Դպրոցական ֆիլհարմոնիայի» գործունեության վերսկսմանը նվիրված տոնական համերգ։

Ինչպես չորեքշաբթի հաղորդեցին «Նովոստի-Արմենիա» գործակալությանը ֆիլհարմոնիայում, համերգային ծրագրի մեջ կնդգրկվեն «Արևիկ» վոկալ-գործիքային համույթի, «Հայաստանի փոքրիկ երգիչներ» մանկական երգչախմբի  ելույթները, ինչպես նաև «Կրկեսային աճպարարությունը»։

«Դպրոցական ֆիլհարմոնիայի» հիմնական գործունեությունը կուղղորդվի աճող սերնդի հոգևոր դաստիարակությանը։

Հետագա ծրագրերի շրջանակներում նախատեսված է մանկա-պատանեկան միջոցառումների անցկացում Հայաստանի տարբեր մարզերում, ինչպես նաև բարեգործական համերգներ մանկատներում։--0--