Անտոնիո Բանդերասը շտապ հոսպիտալացվել է Մեծ Բրիտանիայում

ԵՐԵՎԱՆ, 30 հունվարի. /Նովոստի–Արմենիա/. Աշխարհահռչակ դերասան Անտոնիո Բանդերասը շտապ հոսպիտալացվել է Մեծ Բրիտանիայում։

Դերասանը հոսպիտալացվել է Սուրեյ կոմսությունում գտնվող իր տան մոտակայքում գործող հիվանդանոց, հաղորդում է argumenti.ru–ն։

The Sun հրատարակության տվյալներով, 56–ամյա Բանդերասը մարզադահլիճում մարզվելիս հանկարծ սուր ցավ է զգացել կրծքավանդակի շրջանում։

Շտապօգնության բժիշկները դերասանին տեղափոխել են հիվանդանոց և հետազոտել են։ Շուտով նրան բաց են թողել։

The Sun–ի հետ զրույցում դերասանը նշել է, որ նա իրեն իսկապես վատ է զգացել, սակայն չի հայտնել, թե բժիշկները կոնկրետ ինչ են ախտորոշել։–0–