ԵՐԵՎԱՆ, 7 մայիսի./Նովոստի-Արմենիա/. Երևանի քաղաքապետարանի քարտուղար Հակոբ Կարապետյանը մեկնաբանել է Երևանում նախօրեին առատ անձրևների հետևանքով գոյացած ջրհեղեղը:
Загружается новость ... "Лево"
«Երեկվա անձրևառատ եղանակը մեմաշատ երեկո ապահովեց սոցցանցերում»,- նշել է նա իր Facebook-յան էջում:
Նա նշել է, որ աաղաքի հեղեղատար համակարգի խնդիրը բացվեց հերթական անգամ:
«Հեղեղատար համակարգերի գլոբալ խնդրի մասին կխոսեմ վերջում, բայց նախ ասեմ, որ Երևան քաղաքի հեղեղատար համակարգերի շահագործումը, պահպանումը և սպասարկումը, դեռ 2006-ից, պայմանագրով իրագործում է «Վեոլիա գրուպ» ընկերությունը: Երևանի քաղաքապետարանը պայմանագրի կողմ չէ. պայմանագրի կատարման վերահսկողությունն իրականացնում է ՀՀ ՏԿԵՆ Ջրային կոմիտեն»,- նշել է նա:
Նա ընդգծել է, որ Երևանի քաղաքապետարանը որոշակի գործառույթ իրականացնում է այս գործում:
«Այնուհանդերձ, քանի որ սա քաղաքային ենթակառույց է և սրա անխափանության հարցը անմիջականորեն վերաբերում է քաղաքի բնակիչներին, Երևանի քաղաքապետարանը որոշակի գործառույթ իրականացնում է. մասնավորապես, կոմունալ ծառայության աշխատակիցները պարբերաբար իրենց ուսումնասիրությունների արդյունքում առաջարկներ են ներկայացնում Վեոլիային, խնդիրների դեպքում օգնում են դրանց հետևանքների վերացման գործում: Ինչպես, օրինակ, երեկ, երբ մեր կոմունալի աշխատակիցների օգնությամբ խցանումից մաքրվել են նախագահական նստավայրի տարածքի անձրևատար ուղիները: Քաղաքապետարանի առաջարկությամբ նաև նոր հեղեղատարներ են կառուցվում, և եթե նկատել եք, մի քանի թունելներում, որտեղ տարիներ առաջ պարբերաբար ջուր էր կուտակվում, երեկվա անձրևը խնդիր չի առաջացրել»,- նշել է Կարապետյանը:
Նա անդրադարձել է նաև, հեղեղատար համակարգի անկատարության խնդրին՝ նշելով, որ անցած տասնամյակների ինտենսիվ ու հաճախ չնորմավորված կառուցապատումը ևս իր զգալի ազդեցությունը թողել է:
«Օրինակ, Պռոշյան փողոցի անձրևային հոսքերը, որոնք ժամանակին լցվում էին Հրազդանի ձորն ու խառնվում գետի ջրերին, այժմ «բախվում են» ձորի երկայնքով կառուցված օբյեկտների պարիսպներին ու շարունակում են իրենց ճանապարհը Պռոշյանն ի վար՝ դեպի Լուսավորիչ ու Արշակունյաց պողոտա: Կամ, հենց երեկվա ամենադիտարժան դեպքը՝ Բաղրամյան 26-ի գարաժների հեղեղը, թերևս չէր լինի, եթե վերևում գտնվող Անտառային փողոցի կառուցապատման ընթացքում մանրամասն հաշվի առնվեին կառուցապատման ազդեցությունները, նախագծվեին անհրաժեշտ ենթակառույցները և այլն»,- ընդգծել է նա:
Նա նշել է, որ ամեն դեպքում, կրկնեմ, թեև խնդիրը քաղաքապետարանի ուղիղ լիազորությունների շրջանակում չէ, հեղեղատար համակարգերի հարցով մներ մասնագետները պարբերաբար զբաղվում են:
Հիշեցնենք, որ նախօրեին Երևանում տեղացած առատ անձրևները քաղաքը վերածել էին Վենետիկի. Facebook-ի օգտատերերը անդրադարձել էին այդ առատ ջրերին: