SOS. Հայաստանի ավելի քան 60 տեսակի կենդանիներ անհետացման եզրին են

ԵՐԵՎԱՆ, 22 փետրվարի. /Նովոստի–Արմենիա/. Հայաստանի Կարմիր գրքում ընդգրկված մոտ 50 տեսակի անողնաշարավորներ և 12 տեսակի ողնաշարավոր կենդանիներ կրիտիկական վիճակում են, «Նովոստի–Արմենիա» գործակալությանը հայտնեց Գիտությունների ազգային ակադեմիայի կենդանաբանության և հիդրոէկոլոգիայի գիտական կենտրոնի փոխտնօրեն Հասմիկ Խաչատրյանը։





«Այսօր Հայաստանում, ինչպես ողջ աշխարհում, լուրջ վտանգի տակ են խոշոր կաթնասունները, նախևառաջ, գիշատիչները, օրինակ, ընձառյուծները։ Թեև արջերի և գայլերի վիճակը համեմատաբար նորմալ է և շարունակում է բարելավվել»,– ասաց նա։



Անհետացող տեսակների թվում են նաև անդրկովկասյան հայկական մուֆլոնը և բեզոարյան այծը։
Հայաստանի Կարմիր գիրքը, որում ներառված են 308 տեսակի կենդանիներ – 153 ողնաշարավոր և 155 անողնաշարավոր, Խաչատրյանի խոսքով, հրատարակվել է 2010 թվականին և շուտով կթարմացվի։ Ըստ նրա, հավանականություն կա, որո որոշ կենդանիներ կարող են անցնել ավելի «վտանգավոր» կատեգորիա։



«Թիվ մեկ սպառնալիքն անտառահատումն է, երբ կենդանիների բնակության արեալը փոքրանում է։ Երկրորդ գործոնը բնական աղետներն են։ Բացի այդ, էկոհամակարգն անընդհատ փոփոխվում է, օրինակ, երբ Սևանա լճում ծածան հայտնվեց»,– ասաց Խաչատրյանը, ավելացնելով, որ այդ իմաստով որսն ամենամեծ վտանգը չէ։ -0-