Ուզբեկստանի նախագահ Իսլամ Քարիմովը վստահ է, որ ԱՊՀ-ն ապագա ունի, նա եվրասիական ինտեգրումը զարգացման հեռանկարային ճանապարհ է համարում:
Ուզբեկստանի առաջնոդը ելույթ է ունեցել երեքշաբթի Մոսկվայում կայացած ԱՊՀ մասնակից պետությունների ղեկավարների ոչ պաշտոնական հանդիպման ընթացքում, որը նվիրված էր Համագործակցության ձևավորման 20-ամյակին:
«Ուզբեկական կողմը, ես՝ որպես Ուզբեկստանի ներկայացուցիչ, համոզված եմ, որ չնայած ինտեգրացիոն զարգացման հարցում ունեցած խնդիրներին, ԱՊՀ-ն ապագա ունի: Այն պետք է մեր բազմածրագրային փոխգործառության համակարգողի դեր խաղա, ինչպես նաև ուղիղ շփման համար հարթակ կամ քննարկում մնա՝ կանոնավոր միջպետական երկխոսության աջակցում»,- հաղորդում է «ՌԻԱ Նովոստին»:
Միաժամանակ ուզբեկ առաջնորդը նշել է, որ եվրասիական ինտեգրումը «մեր ապագան է, դա այն ճանապարհն է, այն ուղվածությունը, որին պետք է բոլորը հասնեն»:
«Միասնական տնտեսական տարածքը, Եվրասիական տնտեսական միությունը, իսկ հետագայում պարզապես Եվրասիական միությունը՝ այդ ամենը, այսպես ասած ԱՊՀ ֆոնի ներքո է ձևավորվել, և դրանք (ինտեգրացիոն համախմբումները) մտածողություն են ստեղծում, այդ դեպքում արդյո՞ք դա անհրաժեշտ է ԱՊՀ-ին ընդհանրապես: Եվ ես այդ հարցին պատասխանում եմ (ես միայն իմ կարծիքն եմ արտահայտում)՝ վստահ եմ, որ... Եվրասիական միությունը և բոլոր մնացած միությունները՝ այսօր աշխարհում տեղի ունեցող իրադարձությունների բնական և օրենսդրական զարգացումն է»,- ընդգծել է Քարիմովը: -0-
