Ռուսաստանում «Disney» նոր դաշնային հեռուստաալիքը իր հեռարձակումը կսկսի դեկտեմբերի 31-ից

«Disney» դաշնային նոր հեռուստաալիքի հեռարձակումը, որը նախատեսված է ողջ ընտանիքի համար, կսկսվի 2011 թ.-ի դեկտեմբերի 31-ի կեսօրին, հինգշաբթի հաղորդում է ընկերության մամուլի ծառայությունը: Այն եթերում կփոխարինի «Սեմյորկա» հեռուստաալիքին:

Հոկտեմբերին The Walt Disney Company-ն համաձայնագիր է ստորագրել «ՅՈՒՏՎ Հոլդինգի» հետ, որը գտնվում են Ալիշեր Ուսմանովի և Իվան Տավրինի ղեկավարության ներքո: «ՅՈՒՏՎ Հոլդինգի» մեջ են ներառված «ՄՈՒԶ ՏՎ» և «Սեմյորկա» հեռուստաալիքները: Ըստ այս պայմանավորվածության՝ The Walt Disney Company-ն իր դուստր կառույցներից մեկի միջոցով ձեռք կբերի «Սեմյորկայի» 49 տոկոսը և կվերածի այն Disney հեռուստաալիքի, հաղորդում է ՌԻԱ Նովոստին:

«Disney նոր ընտանեկան զվարճալի հեռուստաալիքը, որը ռուսաստանցի հեռուստադիտողներին կառաջարկի լավագույն սերիալները, ֆիլմերն ու հեռուստածրագրերը, այդ թվում նաև՝ արտադրված Ռուսաստանում, կսկսի իր հեռարձակումը 2011 թ.-ի դեկտեմբերի 31-ին Մոսկվայի ժամանակով ժամը 12:00-ին», - նշվում է մամուլի հաղորդագրության մեջ:-0-