+12
Եղանակը Երևանում
Հայ

Մեդվեդևը հուսով է, որ ԵԱՄՖ-2011-ը ներդրում կկատարի միջազգային համագործակցության զարգացման գործում

11:02
21 Նոյեմբերի 2011

ՌԴ նախագահ Դմիտրի Մեդվեդևը հուսով է, որ Եվրոպական և ասիական մեդիաների ֆորումի (ԵԱՄՖ-2011) նախաձեռնություններն ու նոր գաղափարները պահանջված կդառնան և էական ներդրում կկատարեն միջազգային հումանիտար համագործակցության զարգացման գործում, հաղորդում է ՌԻԱ Նովոստին:

Երկուշաբթի ֆորումի բացման արարողության շրջանակներում ՌԴ նախագահի ողջույնի խոսքն ընթերցել է ՌԴ կապի և զանգվածային հեռահաղորդակցության փոխնախարար Ալեքսեյ Մալինինը:

«Հուսով եմ, որ ձեր ֆորումի նախաձեռնությունները պահանջված կլինեն գործնականում և էական ներդրում կկատարեն միջազգային հումանիտար զարգացման գործում: Մաղթում եմ ձեզ արդյունավետ բանավեճ և ամենայն բարիք», - նշվում է ՌԴ նախագահի ողջույնի խոսքում:

Մեդվեդևը նշել է, որ այժմ հեռահաղորդակցությունների և նոր տեխնոլոգիաների բուռն զարգացման պայմաններում ԶԼՄ-ների լսարանը էականորեն ավելացել է, այդ թվում նաև երիտասարդ սերնդի հաշվին, աճում է ինտերնետ-հրատարակությունների թիվը, բլոգերի հանրաճանաչությունը:

«Ավելի մեծ նշանակություն է ձեռք բերում լրագրողի աշխատանքի օպերատիվությունը: Կարևոր է, որպեսզի գլխավոր մասնագիտական չափորոշիչները ԶԼՄ-ների համար լինեն տեղեկատվության հստակությունն ու օբյեկտիվությունը: Եվ, իհարկե, ժամանակակից լրագրողները պետք է լայն մտահորիզոն ունենան՝ իրենց աշխատանքում ղեկավարվելով հանդուրժողականության և տարբեր ժողովուրդների ավանդույթների նկատմամբ հարգալից վերաբերմունքի սկզբունքներով», - նշել է ՌԴ նախագահը:

Նա ողջունել է ֆորումի բոլոր մասնակիցներին, «որն այս տարի անցկացվում է մեր բարեկամ Ղազախստանի մայրաքաղաք Աստանայում» և մաղթել է արդյունավետ բանավեճ:
Եվրոպական և ասիական մեդիաների վեցերորդ  ֆորումը, որի անփոխարինելի կազմակերպիչը «ՌԻԱ Նովոստի» մեդիահոլդինգն է, անցնում է Աստանայում նոյեմբերի 21-22-ը՝ «Անկախության 20 տարի. ԶԼՄ-ներն ու հասարակությունը» նշանաբանի ներքո:

Ֆորումին կմասնակցեն ԱՊՀ, Բալթյան երկրների և Վրաստանի ԶԼՄ-ների ավելի քան 250 ներկայացուցիչներ, այդ թվում՝ ԶԼՄ-ների ղեկավարներ և հետխորհրդային տարածքի մեդիաարդյունաբերության ականավոր թոփ մենեջերներ, բլոգերներ, փորձագետներ, վերլուծաբաններ:

Որպես հատուկ հյուր Աստանայում կայանալիք Ֆորումին հրավիրված է կինոռեժիսոր Նիկիտա Միխալկովը:
ԵԱՄՖ-2011-ի ծրագիրը ներառում է լիագումար և սեկցիոն նիստեր, կլոր սեղաններ և նստաշրջաններ, ինչպես նաև նոր մուլտիմեդիոն ապրանքների շնորհանդես: Հատուկ նստաշրջանների ժամանակ կքննարկվեն այնպիսի սուր հարցեր, ինչպիսիք են սոցիալական ցանցերի գործունեության սոցիալական հետևանքները, մեդիա-արդյունաբերությունն անկայուն տնտեսության պայմաններում, ինտերնետրում մեդիայի վրա պետական կարգավորման ազդեցությունը, ինչպես նաև կքննարկվեն ազգային տեղեկատվական մոդելների առանձնահատկությունները:

Ֆորումի ծրագրին կարելի է ծանոթանալ հետևյալ ինտերնետային հասցեի միջոցով՝ ria.ru/mf_docs/20111102/478343977.html:

ԵԱՄՖ-2011-ի ինֆորմացիոն գործընկերներն են «Միր» միջպետական հեռուստառադիոընկերությունը, «Գոլոս Ռոսիի» ռուսական պետական ռադիոհեռարձակող ընկերությունը, «Նուռ մեդիա» մեդիահոլդինգը, «Ղազախստանսկայա պրավդա» հանրապետական թերթը, «Խաբար» հանրապետական հեռուստաալիքը, ինչպես նաև «Կազինֆորմ» լրատվական գործակալությունը:

ԵԱՄՖ-ն առաջին անգամ անցկացվել է «ՌԻԱ Նովոստի» գործակալության կողմից 2006 թ.-ին: Միջոցառման նպատակն է համախմբել նախկին ԽՍՀՄ հանրապետությունների լրագրողական միությունները: Այսօր ԵԱՄՖ-ն բացառիկ հարթակ է, որը միակն է հետխորհրդային տարածքում: Այն թույլ է տալիս ԱՊՀ, Բալթյան երկրների և Վրաստանի ԶԼՄ-ների ներկայացուցիչներին քննարկել և կանխատեսել մեդիաոլորտի զարգացման գործընթացները, ինչպես նաև փոխանակվել փորձով: Ֆորումին ավանդաբար մասնակցում են առաջատար քաղաքական և հասարակական գործիչներ:

Ֆորումի աշխարհագրությունը մշտապես ընդլայնվում է: Նախորդ տարի ԵԱՄՖ-ն անցկացվում էր Կիևում: Մինչ այդ չորս տարի անընդմեջ Մոսկվան էր ընդունում մեդիահանրության ներկայացուցիչներին: Այժմ էստաֆետը փոխանցվել է Ղազախստանի մայրաքաղաքին: ԱՊՀ 20-ամյակին Աստանան որպես ԵԱՄՖ-ի անցկացման հարթակ ընտրելը թույլ է կտա մի կողմից ընդգծել ԱՊՀ երկրների բազմակողմանի համագործակցության արդյունավետ բնույթը, մյուս կողմից՝ աջակցել անկախ պետությունների ԶԼՄ-ների իրավահավասար տեղեկատվական փոխգործակցության գաղափարին:-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
20:50
24 Մայիսի 2022
Հայաստան-Ադրբեջան միջպետական սահմանին տեղի է ունեցել երկու երկրների փոխվարչապետերի հանդիպումը
Այսօր Հայաստան-Ադրբեջան միջպետական սահմանին տեղի է ունեցել երկու երկրների փոխվարչապետերի հանդիպումը
16:05
24 Մայիսի 2022
Վաղը ջրանջատում է նախատեսված Երևանի ևս մեկ վարչական շրջանում
Վաղը ջրանջատում է նախատեսված Երևանի ևս մեկ վարչական շրջանում
12:55
24 Մայիսի 2022
Հայաստանին մթնոլորտային ցուրտ ճակատ է մոտենում, ջերմաստիճանը կնվազի 7–10 աստիճանով, սպասվում է թաց ձյուն
Հայաստանին մթնոլորտային ցուրտ ճակատ է մոտենում, ջերմաստիճանը կնվազի 7–10 աստիճանով, սպասվում է թաց ձյուն
12:17
24 Մայիսի 2022
12 ժամ ջուր չի լինի Երևանի վարչական շրջաններից մեկում
«Վեոլիա Ջուրը» զգուշացնում է. վթարի պատճառով 12 ժամ ջուր չի լինի Երևանի վարչական շրջաններից մեկում
15:16
23 Մայիսի 2022
Հայաստանի դպրոցներում նոր դասընթաց կներդրվի, այն պարտադիր է լինելու
Հայաստանի դպրոցներում նոր դասընթաց կներդրվի, այն պարտադիր է լինելու
10:13
23 Մայիսի 2022
Քաշքշուկ Երևանի մետրոյում. անչափահասներ են բերման ենթարկվել
Քաշքշուկ Երևանի մետրոյում. անչափահասներ են բերման ենթարկվել
09:31
23 Մայիսի 2022
Ինչ պայմանավորվածություններ են ձեռք բերվել Բրյուսելում եռակողմ հանդիպման արդյունքներով․ մանրամասնել է Շառլ Միշելը
Ինչ պայմանավորվածություններ են ձեռք բերվել Բրյուսելում եռակողմ հանդիպման արդյունքներով․ մանրամասնել է Շառլ Միշելը
09:22
23 Մայիսի 2022
Փաշինյանը, Ալիևն ու Միշելը պայմանավորվել են սահմանների սահմանագծման ու անվտանգության հարցերով հանձնաժողովի աշխատանքների մեկնարկի վերաբերյալ
Փաշինյանը, Ալիևն ու Միշելը պայմանավորվել են սահմանների սահմանագծման ու անվտանգության հարցերով հանձնաժողովի աշխատանքների մեկնարկի վերաբերյալ
21:34
22 Մայիսի 2022
Բրյուսելում մեկնարկել է Փաշինյան-Միշել-Ալիև հանդիպումը (ՎԻԴԵՈ)
Բրյուսելում մեկնարկել է Փաշինյան-Միշել-Ալիև հանդիպումը. ՎԻԴԵՈ
19:03
22 Մայիսի 2022
ՀՀ-ում կա՞ն կապիկի ծաղիկի դեպքեր, ինչպիսի՞ հիվանդություն է այն, որո՞նք են կանխարգելման միջոցները. հակիրճ տեղեկատվություն աշխարհում տարածվող հիվանդության մասին
ՀՀ-ում կա՞ն կապիկի ծաղիկի դեպքեր, ինչպիսի՞ հիվանդություն է այն, որո՞նք են կանխարգելման միջոցները. հակիրճ տեղեկատվություն աշխարհում տարածվող հիվանդության մասին
20:24
21 Մայիսի 2022
Երևանի 6 տրանսպորտային երթուղիներում կատարվել են փոփոխություններ
Ուշադրություն. Երևանում 6 տրանսպորտային երթուղիներում կատարվել են փոփոխություններ
20:20
21 Մայիսի 2022
Ադրբեջանը կրակ է բացել ՀՀ ԶՈւ մարտական հենակետի ուղղությամբ, կա վիրավոր
Ադրբեջանը կրակ է բացել ՀՀ ԶՈւ մարտական հենակետի ուղղությամբ, կա վիրավոր