Մոսկվայում երթուղային տաքսուց ընկնելուց հղի կին է տուժել

ԵՐԵՎԱՆ, 29 օգոստոսի. /Նովոստի-Արմենիա/. Երկու կանայք վնասվածքներով հիվանդանոց են տեղափոխվել այն բանից հետո, երբ Մոսկվայի հարավ-արևելքում երթուղային տաքսուց դուրս են ընկել, նրանցից մեկը  գտնվում էր հղիության վերջին ամիսներում, երկուշաբթի «ՌԻԱ Նովոստիին» հաղորդել են մայրաքաղաքի իրավապահ մարմինների աղբյուրը։

Ըստ նրա՝ շաբաթ օրը երեկոյան Վոլգոգրադյան խաչմերուկի 120 տան մոտ երթուղային տաքսու վարորդը չի կարողացել կառավարել ղեկը և դուրս է եկել  հանդիպակաց երթուղի։ Ինչի հետևանքով բացվել է երթուղային տաքսու կողքի դուռը և երթևեկության ժամանակ ուղևորները դուրս են ընկել, հաղորդում է «ՌԻԱ Նովոստին»։

«Երկու կանայք՝ 24 և 25 տարեկան, հիվանդանոց են տեղափոխվել։ 24-ամյա կինը, ով գտնվում էր հղիության 30-րդ շաբաթում, տարբեր վնասվածքներ և քերծվածքներ է ստացել։ Նրան հիվանդանոցի ծնարանի բաժին են տեղափոխել»,- ասել է գործակալության զրուցակիցը։

Ըստ նրա՝ տվյալ փաստի առթիվ ներկայում ստուգումներ են անցկացվում, կատարվածի մեղավորներն ու հանգամանքները հաստատվում են։ -0-