ՄԱԿ-ը գլոբալ հակաահաբեկչական ռազմավարության իրականացման հարցում ՀԱՊԿ-ի ներդրման հույսն ունի
ՄԱԿ-ը Հավաքական անվտանգության պայմանագրի կազմակերպության օգնության հույսն ունի գլոբալ հակաահաբեկչական ռազմավարության իրականացման հարցում, ՀԱՊԿ-ը առաջարկում է ընդլայնել նաև համագործակցությունը թմրամոլների վերականգնման ոլորտում։
«Ահաբեկչությունը լուրջ սպառնալիք է, ՄԱԿ-ի շրջանակներում գլոբալ հակաահաբեկչական ռազմավարություն կա, և մենք այդ ռազմավարության իրականացման հարցում ՀԱՊԿ երկների մասնակցության հույսն ունենք»,- ուրբաթ Մոսկվայում ՀԱՊԿ-ին առընթեր մշտական խորհրդի ընդլայնված նիստի ժամանակ ասաց ՄԱԿ-ի գլխավոր քարտուղար Պան Գի Մունը, հաղորդում է «ՌԻԱ Նովոստին»։
ՀԱՊԿ գլխավոր քարտուղար Նիկոլայ Բարդյուժան իր հերթին ՄԱԿ գլխավոր քարտուղարի հետ երկկողմ հանդիպումից հետո հայտնեց, որ ՀԱՊԿ-ն նաև մտադիր է համագործակցություն ընդլայնել թմրամոլության սպառնալիքի դեմ պայքարի ոլորտում և թմրամոլների վերականգնման ուղղությամբ։
Բացի այդ, ըստ ՀԱՊԿ գլխավոր քարտուղարի և Պան Գի Մունի հանդիպման ժամանակ քննարկվել են խաղարարար գործունեության հարցերը։ «ՄԱԿ-ը մեծ հետաքրքրություն է ցուցաբերում ՀԱՊԿ խաղարարար գործունեության հանդեպ»,- նշեց նա։ Նաև քննարկվել են կոնֆլիկտային իրավիճակների կարգավորման համար կանխարգելիչ գործունեության հարցերը։ -0-
