ՀԱՊԿ-ն առաջարկում է կազմակերպության անդամ-երկրների ԶՈւ գլխավոր շտաբերի պետերի կոմիտե ստեղծել
ԵՐԵՎԱՆ, 16 փետրվարի. /Նովոստի-Արմենիա/. ՀԱՊԿ-ն առաջարկում է կազմակերպության անդամ-պետությունների Զինված ուժերի գերագույն և գլխավոր շտաբերի պետերի կոմիտե ստեղծել, չորեքշաբթի հաղորդում է Ղրղզստանի պաշտպանության նախարարության մամուլի ծառայությունը՝ ամփոփելով ՀԱՊԿ գլխավոր քարտուղար Նիկոլայ Բորդյուժայի և Ղրղզստանի պաշտպանության նախարար Աբիբիլ Քուդայբերդիևի միջև երեքշաբթի երեկոյան կայացած բանակցությունները:
«Հավաքական անվտանգության ամրապնդման համար առաջարկվել է Կենտրոնական-ասիական տարածաշրջանում բազմակողմ հիմքի վրա զինվորական խմբավորում ստեղծել, որի մեջ Արագ տեղաբաշխման հավաքական ուժերի (ԱՏՀՈՒ) և ԱԱՀՈՒ-ի ստորաբաժանումներից բացի կներառվեն նաև ազգային զորամիավորումներ և զորամասեր», - տեղեկացնում է մամուլի ծառայությունը, հաղորդում է «ՌԻԱ Նովոստին»:
ՀԱՊԿ գլխավոր քարտուղարն առաջարկել է Հակաօդային պաշտպանության միասնական համակարգի շրջանակներում «մտածել տարածաշրջանի պետություններից մեկում շտաբի հետ միասին օդային պաշտպանության ուժերի կոալիցիոն խմբավորման ձևավորման մասին»:
ՀԱՊԿ-ի անդամներն են Հայաստանը, Բելառուսը, Ղազախստանը, Ղրղզստանը, Ռուսաստանը, Տաջիկստանն ու Ուզբեկստանը:
Բորդյուժան երկօրյա այցով գտնվում է Բիշքեկում:-0-
