Ադրբեջանը վրդովված է Ղարաբաղի վերաբերյալ ԵՄ դիրքորոշումից
Ադրբեջանի արտգործնախարարությունը վրդովմունք է հայտնել այն բանի կապակցությամբ, որ Եվրահանձնաժողովի պաշտոնական կայքում Եվրահանձնաժողովի ղեկավար Ժոզե Մանուել Բարոզուի՝ Ղարաբաղի վերաբերյալ հայտարարությունը, որը նա արել էր Բաքվում, ներկայացված է Բաքվի համար ոչ ձեռնտու ձևով:
Ադրբեջանական ԶԼՄ-ների տեղեկատվության համաձայն՝ Բարոզուն իբր հայտարարել է, թե Եվրոպական միությունն աջակցում է «բոլոր գործընկերների, այդ թվում նաև Ադրբեջանի տարածքային ամբողջականության սկզբունքին»:
Սակայն Եվրահանձնաժողովի պաշտոնական կայքում Բարոզուի խոսքերը ներկայացված են միանգամայն այլ տեսքով:
«Կողմերի համաձայնության ձեռքբերումից հետո Եվրահանձնաժողովը պատրաստ է լրացուցիչ աջակցություն ցուցաբերել: Քաղաքական աջակցություն՝ խաղաղ գործընթացում և օգնություն՝ վերականգնման գործում, երբ կարգավորումը համաձայնեցված կլինի», - նշվում է Եվրահանձնաժողովի ղեկավարի հայտարարության մեջ:
Այս փաստն այնքան է վրդովվել Ադրբեջանի արտգործնախարարությանը, որը այն հայտարարել է փոխադարձ վստահության և համագործակցության հնարավոր ձախողման մասին: Ավելին, Բաքվում հայտարարում են, որ այս փաստը կարող է հարցականի տակ դնել ԵՄ-ի հետ հարաբերությունները:-0-
