Շուտով կհրապարակվի Վրաստան հարստացված ուրան ներմուծած անձնաց դատավճիռը. հետուստաընկերություն

Վրացական արդարադատությունը գործանականում ավարտել է Հայաստանի երկու քաղաքացիների կողմից Վրաստան հարստացված ուրան ներկրելու մասին գործի քննությունը, շուտով կհրապարակվի նրանց դատավճիռը, երկուշաբթի հայտնում է «Ռուսթավի-2» հեռուստաընկերությունը՝ հղում անելով Վրաստանի ՆԳՆ տեղեկատվական-վերլուծական դեպարտամենտի ղեկավար Շոթա Ութիաշվիլիին։

Հեռուստաընկերության տվյալներով,  2010 թվականի մարտին Հայաստանի  մաքսանենգներին հաջողվել է Երևանից Թբիլիսի ուղևորվող գնացք մտցնել 18 գրամ հարստացված ուրան։Գործը քննվում քննվում է որպես «գաղտնի»։

«Այդ մարդիկ Վրաստան են ներկրել 18 գրամ հարստացված ուրան։ Հարստացման որակը 90 տոկոս է եղել։ Այն տեսականորեն կարող էր  օգտագործվել միջուկային ռումբի համար, բայց քանակը քիչ է եղել»,- տեղեկացրել է Ութիաշվիլին, հաղորդում է «ՌԻԱ Նովոստին»:

Միաժամանակ նա հայտնել է, որ Վրաստանի իրավապահ մարմինները տվյալներ ունեն այն մասին, թե ով է նրանց փոխանցել հարստացված ուրանը, թեև տվյալ փուլում սկզբնաղբյուրը հայտնի չէ։

Հեռուստաընկերությունը հայտնում էմ որ ձերբակալվածներն ընդունում են իրենց մեղքը, իսկ նրանցից մեկը խնդրում է իր հետ դատավարական գործարք կնքել, որը ենթադրում է մեղադրյալի ազատում մեղավորության ճանաչման դեպքում և համագործակցություն քննության հետ։ -0-