ԵԱՀԿ-ում Ղազախստանի նախագահությունը կնպաստի այդ կազմակերպության արդիականացմանը. Միրոնով
2010թ.-ին ԵԱՀԿ-ում Ղազախստանի Հանրապետության նախագահությունը կնպաստի ԵԱՀԿ ակտիվացմանն ու արդիականացմանը, կարծում է Դաշնային Խորհրդի խոսնակ Սերգեյ Միրոնովը, հաղորդում է ՌԻԱ Նովոստին։
«ԵԱՀԿ-ի գոյության 35 տարիների ընթացքում առաջին անգամ այդ կազմակերպությունը գլխավորել է ԱՊՀ պետությունը։ Ղազախստանի ներկայացուցչությունը, մեր տեսանկյունից, կնպաստի ԵԱՀԿ ակտիվացմանն ու արդիականացմանը, եվրոպական անվտանգության ճարտարապետության նոր հայացքների առաջխաղացմանը, որը պետք է հավասար և անբաժանելի լինի Ատլանտիկայի և Եվրասիայի միջև առկա բոլոր պետությունների համար»,- հինգշաբթի Պետերբուրգում հայտնեց Միրոնովը՝ ելույթ ունենալով ԱՊՀ Միջխորհրդարանական ասամբլեայի 35-րդ լիագումար նիստի ժամանակ։
Ըստ նրա, Ղազախստանի ամենակարևոր նախաձեռնություններից մեկն է դարձել Աստանայում ԵԱՀԿ գագաթնաժողով անցկացնելու առաջարկը, որը չի գումարվել ավելի քան 10 տարի և կարող է նոր ազդակ հաղորդել Հելսինկյան գործընթացի զարգացմանը։
ԵԱՀԿ գագաթնաժողովը կանցկացվի դեկտեմբերի 1-2-ը Ղազախստանի մայրաքաղաքում։ -0-
