Մեկ օրում գրեթե 390 նոր անտառային ու տորֆային հրդեհ է բռնկվել Ռուսաստանում

ԵՐԵՎԱՆ, 5 օգոստոսի. /Նովոստի-Արմենիա/. Մեկ օրում գրեթե 390 նոր անտառային ու տորֆային հրդեհ է բռնկվել Ռուսաստանում, որտեղ 843 բնական հրդեհների աղբյուր է գրանցվել. դրանց թվում են 47 տորֆային հրդեհները, հաղորդում է ՌԴ Արտակարգ իրավիճակների նախարարությունը:

Մեկ օրում անտառային հրդեհների 373 օջախ է առաջացել, մարվել է 25-ը: Այժմ վառվում է գրեթե 196 հազար հեկտար անտառ, մեկ օրում անտառային հրդեհների տարածքը մեծացել է յոթ հազար հեկտարով: ԱԻՆ տվյալներով՝ հրդեհների 589 օջախներից 73-ը խոշոր են: Կեսօրին խոշոր հրդեհները 20-ով քիչ էին, հաղորդում է ՌԻԱ Նովոստին:

Ինչ վերաբերում է տորֆային հրդեհներին, ապա մեկ օրում 15 նոր օջախ է առաջացել, մարվել է 6-ը: Մերձմոսկովյան շրջանում գրանցվել է 29 տորֆային հրդեհ: Եվս յոթ տորֆային հրդեհ է մոլեգնում նաև Սվերդլովսկի մարզում, երկուսը՝ Ուդմուրտիայում և մեկական Իվանովսկում, Կոստրոմսկում և Կալուգայում:-0-