ԱՊՀ երկրների երիտասարդ տաղանդները կհավաքվեն Մոսկվայում

ԵՐԵՎԱՆ, 19 մայիսի./Նովոստի-Արմենիա/. Հայաստանի, Ադրբեջանի, Բելառուսի, Վրաստանի, Ուզբեկստանի և Ուրկրաինայի երիտասարդ տաղանդները՝ «Կրեմլում ծագող աստղերը» միջազգային փառատոնի (կազմակերպվել է ՌԴ նախագահի տիկնոջ Սվետլանա Մեդվեդևայի հովանի ներքո) հաղթողները կմասնակցեն «Մոսկվան դիմավորում է ընկերներին» VII միջազգային փառատոնին, հայտնեց ԱՊՀ մասնակից-պետությունների  հումանիտար համագործակցության միջազգային հիմնադրամի մամուլի քարտուղար Ալեքսանդր Կալուգինը:

Փառատոնը կանցկացվի մայիսի 21-ից հունիսի 2-ը Մոսկվայում և կազմակերպվել է Վլադիմիր Սպիվակովի միջազգային բարեգործական հիմնադրամի կողմից ՌԴ նախագահի աշխատակազմի, Մոսկվայի Կառավարության, ԱՊՀ մասնակից-պետությունների հումանիտար համագործակցության միջազգային հիմնադրամի և այլ անձանց աջակցության շնորհիվ:

Էլվին Գանիևը (Ադրբեջան, ջութակ), Նարև Ղազայանը (Հայաստան, քանոն), Տատյանա Կորմազինովան (Բելառուս, ֆլեյտա), Նանա Չերկեիզիան (Վրաստան, սոպրանո), Սերգեյ Ֆինոյեդովը (Ռուսաստան, հոբոյ), Կամոլլիդին Ուրինբաևը (Ուզբեկստան, գիջակ) և Նազարի Պիլատյուկը (Ուկրաինա, ջութակ) երաժշտության և գեղարվեստի 1500 երիտասարդ տաղանդներից մեկը կդառնան:

Այս տարի փառատոնը կանցկացվի «Հուսո լույսը» խորագրի ներքո: Փառատոնի մասնակիցներին պայծառ և հագեցած փառատոնային ծրագիր է սպասվում, որը ներառում է համերգներ, մրցույթներ, ցուցահանդեսներ և վարպետության դասեր:

«Մոսկվան դիմավորում է ընկերներին» Վ.Սպիվակովի ամենալայնածավալ նախագիծն է, որտեղ 2004թ.-ից աշխարհի 60 երկրների ավելի քան 12 000 օժտված երեխաներն արդեն մասնակցություն են ունեցել: Փառատոնն անցկացվում է ամեն տարի, դպրոցական ամառային արձակուրդների նախօրյակին, փառատոնին անպայման մասնակցում են վարպետ Վլադիմիր Սպիվակովը և «Մոսկվայի վիրտուոզները» Պետական կամերային նվագախումբը, որոնց հետ որպես մենակատար ելույթ են ունենում լավագույն պատանի երաժիշտները: -0-